Josué 8:29 - Tayta Diospa Wilakuynin

²⁹ Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.

Josué 8:29 ပူးပေါင်းရင်းမြစ်များ

2 Samuel 18:17

Nirkurnami Absalónpa ayanta juk uchkuman winaykur jananman aska rumikunata qotuyarqan. Davidpa contran Israel soldädukunanami qeshpir wayinkunapa aywakuyarqan.

Ester 7:10

Saynöpami Amánpa ayanta Mardoqueupaq jawisishqan qeruman tuyrisiyarqan. Sayno ruraskiyaptinmi rey Asuerupa rabyaynin päsaskirqan.

Salmo 107:40

say wanusiqninkunata Tayta Dios castigan. Castigaptinmi say contrankunaqa sunyaq jirkapa pantakash puriyan.

Salmo 110:5

Tayta Diosqa aluq kaq nawpaykichömi yanapäshunaykipaq imaypis kaykan. Paymi rabyashqan junaq contrayki sharkuq reykunatapis wanusinqa.

Juan 19:31

Pascuacho jamay junaq qalaykunanpaqna kaptinmi Israel runakunapa autoridäninkuna munayarqansu jamay junaqcho pipis crucificaränanta. (Pascuacho jamay junaqqa pasaypa sagrädumi karqan.) Saymi Pilatuta manakuyarqan cruzcho wanuyta nakaykaqkunapa chankankunata pakiskir cruzpita jorquyänanpaq.

Hechos 12:23

Tayta Dioslata adorayänanpaq Herodes mana niptinmi Señor Jesucristo kachamushqan ángel jinan höra castigaptin kuru ushaypa wanurqan.

Josué 10:30

Saychöpis vinciyänanpaq Tayta Dios yanapaptinmi saycho taq runakunata y mandaqnin reyta asulayarqan. Jericócho taq runakunata y mandaqnin reyta wanusiyashqannömi saycho taqkunatapis wanusir ushayarqan.

Josué 10:33

Atacaykäyashqanta musyaykurmi Gezer markapa mandaqnin rey Horam soldädunkunawan aywayarqan Laquischo taqkunata yanapäyänanpaq. Jina kaqtami Josuépa soldädunkunaqa lapanta wanusiyarqan.

Josué 12:9

Wanusishqan reykuna kayarqan: Jericó markapa mandaqnin rey, Bet-elpa nawpancho kaykaq Hai markapa mandaqnin rey,

Josué 7:26

Nirkurnami rupasiyashqan jananman saysika rumikunata qotuyarqan. Say rumikuna kananyaqmi saycho qoturaykan. Say wanusiyashqan junaqpita pasami say pampapa jutin Acor Pampa kaykan. Acánta wanuskasiyaptinnami Tayta Diospa rabyanaynin päsarqan.

Josué 8:23

Hai markapa mandaqnin reylatami kawaykaqta sariykur Josuéman apayarqan.