Josué 8:20 - Tayta Diospa Wilakuynin

^20-21 Israel runakunata qatipaykäyashqancho Hai runakuna tikraskiyänanpaqmi pasaypa yanawyayparaq markapita qoshtay sharkuykänaq. Josuéwan kaykaq Israel runakunanapis sayno rupaykaqta rikaykurmi sunyaq jirkapa qeshpiykäyashqancho tikrapäyashpan Hai runakunata atacarna qalaykuyarqan. Saymi Hai runakuna maypa qeshpiytapis kamäpakuyarqansu.

Josué 8:20 ပူးပေါင်းရင်းမြစ်များ

Génesis 19:28

Saypitami rikärirqan Sodoma y Gomorra markakunapita jornupitanöraq qoshtay sharkuykaqta.

Job 11:20

<>.

Salmo 76:5

5 (6) Ali chölu kaqkunatapis lapantami ushakäsirqayki. Munayyuq karpis manami ima ruraytapis kamäpakuyarqansu. Paykunataqa chipyaqmi wanusirqayki.

Isaías 34:10

Paqasta junaqtapis mana upiypa rupaptinmi qoshtayla sharkuykanqa. Sayno ushakäsiptinmi imayyaqpis sunyaqla kakunqa. Saypaqa pipis mananami purinqanasu.

Josué 8:19

Saymi Israel runakunaqa pakaraykäyashqanpita yarqamur cörrila markaman yaykushpan lapan wayikunatapis rupasiyarqan.

Apocalípsis 18:9

Rupashqanpita qoshtay sharkuykaqta rikarmi lapan nacionkunapa mandaqnin reykuna lakikuyashpan waqayanqa. Say reykuna Babilonia runakunawan riquëzankunata qaranakur ïdulukunatapis adorayarqan.

Apocalípsis 19:3

Nirkurnami yapay niyämurqan: <<¡Aleluya! Say marka rupaptinmi mana päraypa qoshtay sharkuykanqa>>.

Jueces 20:38

Manaraq atacarmi Israel runakuna wilanakuyarqan: <> nir.

Jueces 20:40

Sayno nir qatiykäyashqancho tikraykurmi rikayarqan qoshtaypis ninapis bunyaypa bunyar markapita sharkuykaqta.

Jueces 20:41

Israel runakunapis sayta rikärir tikrapäyaptinmi Benjamín trïbu runakunaqa mansakashpan ima ruraytapis kamäpakuyarqansu.