Josué 7:24 - Tayta Diospa Wilakuynin

²⁴ Nirkurnami lapan Israel runakunawan Acánta, suwashqan qellayta, qorita, jakuta, warmi surinkunata y olqu surinkunatapis Acor Pampaman apayarqan. Saynölami paypa kaqtaqa lapanta apayarqan wäkankunata, uyshankunata, cabrankunata, ashnunkunata y tolduntapis.

Josué 7:24 ပူးပေါင်းရင်းမြစ်များ

Génesis 18:25

Jusaynaq kaqtaqa jusasapa runakunatawan iwalqa ama ushakaykasilaysu ari, Taytay. Kay pasacho taq lapan runakunapa jueznin kaykarqa shumaq arreglaykuy ari>>.

Job 20:15

Riquëza shuntashqankunatapis Tayta Diosmi ushakäsinqa.

Éxodo 20:5

Saykunaman ama qonqurpakunkisu ni adorankisu. Noqalami [munayyuq] Tayta Diosniki kaykä. Noqalata adoramänaykitami munä. Saymi mana cäsukamar ïdulukunata adoraqkunataqa castigashaq kikinta, surinta, wilkanta y shurukta wilkantapis.

Proverbios 15:27

Kikilanpaq imatapis munaq runaqa ayllunkunawan chikinakurmi kawan. Mana chaskipakuq runaqa jawkalami kawan.

Eclesiastés 5:13

13 (12) Kay pasacho rikashkä rïcu runa imaykata shuntashqanpis afanlanpaq kashqantami. Sayqa fiyupa lakikuypaqmi kaykan.

Isaías 65:10

Sarón pampapis noqaman yärakayämuq runakunapa uysha misikunanmi kanqa. Acor Pampachöpis wäkankunatami misikuyanqa.

Oseas 2:15

15 (17) Üva chakrankunatapis kutisishaqmi. Acor Pampata tikrasishaq bendición punku kananpaqmi. Saymi yapay cäsukamanqa jipash kar Egiptupita jorqamushqä wisan cäsukamashqanno>>.

Josué 15:7

Saypita Acor Pampapa päsar Debirman chashpan Gilgalmanmi tumararqan. Gilgalqa Adumínpa sur kaq simpanchömi karqan. Saypita lindërun En-semescho pukyu kaykaqpa päsar En-rogel pukyuyaqmi aywararqan.

Josué 22:20

Yarpäyay Zerapa surin Acán rupasinanpaq kaqkunata pakar jusalikushqanta. Sayno rurashqanpitami Tayta Diosqa lapansiwan fiyupa rabyakurqan. Manami Acán japalansu jusalikushqanpita wanurqan, sinöqa wakin Israel mayinsikunapis wanuyarqanmi> >>.

Josué 6:18

Say markacho kaqkunataqa mayjina ali kaptinpis ama imankunatapis apakushunsu, saypa trukanqa lapanta rupasir ushashun. Imalatapis apakuyaptikiqa maldición lapansimanmi chämunqa.

Josué 6:21

espädawan wanusiyarqan runakunata, warmikunata, maqtakunata, awkinkunata, wäkakunata, uyshakunata, ashnukunatapis.

Josué 7:1

Judá trïbupitami Acán jutiyuq runa karqan. Pay karqan Carmipa surin, Zabdipa wilkan y Zerapa shurukta wilkanmi. Jericó markacho kaqta lapanta rupasiyänanpaq Josué nikaptinmi alinnin kaqta pakaylapa Acán apakurqan. Sayno apakushqanpitami Tayta Dios fiyupa rabyakur Israel runakunapa contran rikakurqan.

Josué 7:23

Saykunata apakurkurmi Israel runakuna shuntakäyashqanman aywar Josuéta entregayarqan. Sayta chaskirkurnami Tayta Diospa nawpanman churaykurqan.

Josué 7:26

Nirkurnami rupasiyashqan jananman saysika rumikunata qotuyarqan. Say rumikuna kananyaqmi saycho qoturaykan. Say wanusiyashqan junaqpita pasami say pampapa jutin Acor Pampa kaykan. Acánta wanuskasiyaptinnami Tayta Diospa rabyanaynin päsarqan.