Josué 7:16 - Tayta Diospa Wilakuynin

¹⁶ Sayno niptinmi waraynin tuta saka sakala lapan runakunata shuntaykur Josué nirqan trïbunpa trïbunpa Diospa nawpanman shayämunanpaq. Sayno shayämuptinmi Judá trïbu jusayuq kashqanta Tayta Dios nirqan.

Josué 7:16 ပူးပေါင်းရင်းမြစ်များ

Génesis 22:3

Saymi Abrahamqa waraynin tuta saka sakala yantata seqtarkur ashnunman chaqnakurqan. Nirkurmi ishkay ashmayninkunatawan surin Isaacta pushakurkur aywayarqan.

Salmo 119:60

Imanöpapis mandamientuykikunatami cumpliyta munaykä.

Eclesiastés 9:10

Sayno kaptinqa lapantapis kushish ruranki. Wanuskirnaqa manami imatapis rurankinasu, yachankinasu ni musyankinasu.

Josué 3:1

Saypitanami waraynin tuta saka sakala Josué y lapan Israel runakuna Sitimpita aywar Jordán mayu kuchunman chäyarqan. Mayuta manaraq simparmi jinalancho posädakuyarqan.

Josué 7:15

Mayqan runa jusayuq kashqantapis niptïmi wayintapis surinkunatapis y lapan imaykankunatapis rupasiyanki. Say runa pasaypa mana alita rurarmi Israel runakunawan pactu rurashqäta manakaqman churash>>.

Josué 7:17

Judá trïbutanami Josué nirqan ayllunpa ayllunpa Diospa nawpanman shayämunanpaq. Saymi Zera ayllu jusayuq kashqanta Tayta Dios nirqan. Zera ayllu shamuptinnami Zabdi casta jusayuq kashqanta nirqan.

Jueces 20:19

Saymi waraynin tutana Israel runakunaqa aywar Gabaa markapa simpancho campamentunta sharkasiyarqan.