Josué 24:6 - Tayta Diospa Wilakuynin

⁶ Saynöparaqmi aylluykikunata kachapakayämurqan. Shamuykäyaptinmi Egipto soldädukuna carrëtankunawan y cawallunkunawan Puka Lamaryaq qatipäyämurqan.

Josué 24:6 ပူးပေါင်းရင်းမြစ်များ

Nehemías 9:11

Israel runakuna rikaykäyaptinmi lamartapis ishkayman rakirqayki. Saymi paykuna sakipana päsayämurqan. Qatipaqninkunatami isanqa rumitano lamarman talpukäsirqayki.

Salmo 78:13

Lamarta ishkayman rakirirmi chawpinpa paykunata päsasirqan. Päsayänanpaqmi lamar yakuta ishkayman rakishpan tapiatano ichiräsirqan.

Éxodo 12:37

Ramesés partipita aywakurmi Israel runakuna Sucotmanpa aywayarqan. Egiptupita yarquq runakuna kayarqan soqta pachak waranqanömi (600,000), warmikunata y wamrakunata mana yupaylapa.

Éxodo 12:51

Say junaqlami Egiptupita Israel runakunata tröpa tröparaq Tayta Dios jorqamurqan.

Miqueas 6:4

Egiptucho ashmay kaykäyashqaykipita salvashpämi qamkunata jorqamurqä. Noqami kachamurqä Moisésta, Aarónta y Maríata pushayämushunaykipaq.

Hechos 7:36

Sayshi Israel runakunata jorqamur Egiptuchöpis, Puka Lamarchöpis y sunyaq jirkachöpis chusku chunka (40) wata milagrukunata y señalkunata Moisés ruranaq.

Hebreos 11:29

Israel runakunapis Tayta Diosman yärakurmi Puka Lamarta sakilapa päsayarqan. Egipto runakunami isanqa qepanta yaykuyashqancho shenqaypa wanuyarqan.