Josué 23:11 - Tayta Diospa Wilakuynin

¹¹ Sayno kaykaptinqa lapan shonquykikunawan Tayta Diosninsita kuyar pay munashqanno imaypis kawayay.

Josué 23:11 ပူးပေါင်းရင်းမြစ်များ

Éxodo 20:6

Noqata kuyamar mandamientükunata cumpliqkunatami isanqa waranqa (1,000) generación kayashqanyaq kuyapar yanapäshaq.

Proverbios 4:23

Shonquyki alita yarpaptinqa alimi kawanki. Sayno kaykaptinqa lutanta mana yarpänaykipaq shonquykita shumaq cuidakuy.

Lucas 21:34

<

Romanos 8:28

Musyansimi ima päsaptinpis Tayta Diosta kuyaqkunapaqqa lapanpis ali kananpaq kashqanta. Paykunataqa Tayta Dios qayarqan kikin munashqanno kananpaqmi.

1 Corintios 16:22

Pipis Jesucristuta mana kuyaq kaqtaqa Tayta Dios castiganqami. ¡Señor Jesucristo, juklana kutikalämuy!

1 Corintios 8:3

Rasunpaypa yachaq runaqa Tayta Diostami kuyan. Sayno runataqa Tayta Diospis reqinmi.

Efesios 5:15

Sayno kaykaptinqa imano kawaykäyashqaykitapis shumaq tantiyakuyay. Mana tantiyakuq runano kawayänaykipa trukanqa tantiyakuq runano kawayay.

Deuteronomio 30:16

Kanan junaqmi qamkunata nikä Tayta Diosta kuyar y munashqanno kawar lapan mandamientunkunata, estatütunkunata y yachasikuyninkunata cäsukur kawayänaykipaq. Sayno kawayaptikiqa Tayta Dios qoyäshunaykipaq kaykaq nacionman yaykuyaptiki bendicionnintami churamunqa askaman mirayänaykipaq y ali kawayänaykipaq.

Deuteronomio 30:20

Tayta Diosta kuyar pay nishqankunata cäsukuyay. Payta cäsukurqa alimi kawayanki. Saynöpami Abrahamta, Isaacta y Jacobta promitishqan nacioncho täyashpayki aska wata kawayanki>>.

Deuteronomio 4:15

<

Deuteronomio 4:9

Sayno kaykaptinqa cuidä qonqäyankiman Tayta Dios imano yanapämashqansitapis. Kawayashqaykiyaq waran waran mana qonqaypa surikikunatapis wilkaykikunatapis wilapäyanki>>.

Hebreos 12:15

Shumaq tantiyakuyay. Mayqaykipis jusalikuyta mana wanakurqa manami salvakuyankisu. Jaqayash ama puriyaysu. Jaqayash purirqa venënuyuq iwjiq jachano karmi wakinkunatapis jaqayäsiyanki.

Josué 22:5

Isanqa yäsimashqansinöla lapan yachasimashqansi leykunata mana qonqaypa cumpliyanki. Tayta Diosninsita kuyayashpayki pay munashqannöla lapayki kawayanki. Saynöpis nishqankunata cumpliyashpayki lapan shonquykikunawan y lapan voluntänikikunawan payta sirviyanki>>.

Josué 23:10

Promitimashqansinöla favorninsi pelyaptinmi qamkunaqa juk runala karpis waranqa (1,000) runakunata qatikachar ushakäsiyankipaq.

Josué 23:12

<