Josué 22:6 - Tayta Diospa Wilakuynin

⁶ Sayno yäsirkurmi ali kawayänanpaq bendicionta Josué qorqan. Nirkurmi cada ünun wayinkunaman kutikuyänanpaq nirqan.

Josué 22:6 ပူးပေါင်းရင်းမြစ်များ

Génesis 14:19

Nirkurmi Abramta bendicionta qoshpan nirqan: <

Génesis 47:10

Nirkurnami Faraónta Tayta Dios yanapaykunanpaq manakuskir Jacob aywakurqan.

Génesis 47:7

Saynölami papänin Jacobtapis José pusharqan Faraónwan reqinakuyänanpaq. Faraónpa nawpanman chaykurmi Jacob winchikushpan nirqan: <>.

2 Samuel 6:18

Rupasiyta ushaskirmi lapanta mandaq Tayta Diosta Israel mayinkunapaq manakur Davidqa Diospa jutincho bendicionta qorqan.

2 Samuel 6:19

Nirkurnami olqutapis warmitapis lapan Israel runakunata aypurqan juk tantata, pedäzu aysata y päsaslan atipay juk biscöchutapis. Sayta mikukurkurnami runakuna wayinkunapa kutikuyarqan.

2 Samuel 6:20

Saynölami Davidpis wayinman kutikurqan ayllunkunata bendisinanpaq. Wayinman yaykuraykaptinmi Saúlpa surin Mical yarqaskamur nirqan: <<¡Israel nacionpa mandaqnin rey kaykar ashmay warmikunapa nawpancho cösaran tushuraykar aywashkanki! ¡Mana tantiyakuq runanömi pasaypa penqakuypaq sikiki rikakashqanyaq qarikaypa qarikar tushushkanki!>>

1 Reyes 8:66

Fiesta ushay runakuna kutikuyänanpaq rey Salomón despachaptinmi agradëcikuyashpan kushish wayinkunapa kutikuyarqan. Saynöpis Tayta Diosta agradëcikuyarqan sirviqnin Davidta y kuyashqan Israel runakunata yanapashqanpita.

2 Crónicas 30:18

Manaraq purificakuq runakunaqa kayarqan Efraín trïbupita, Manasés trïbupita, Isacar trïbupita y Zabulón trïbupitami. Mana purificakush karpis Pascua mikuyta mikuptinmi rey Ezequías Tayta Diosta manakur nirqan: <

Éxodo 39:43

Tayta Dios nishqanno lapantapis rurayashqanta rikarmi Moisés paykunata bendicionta qorqan.

Lucas 2:34

Nirkurmi Tayta Diosta Simeón manakurqan bendicionninta paykunaman churamunanpaq. Jesúspa maman Maríatami nirqan: <

Lucas 24:50

Saypitanami discïpulunkunata Jesús pusharqan Betaniaman. Saychönami makinta joqarkur paykunapaq Tayta Diosta manakurqan.

Josué 14:13

Sayno manakuptinmi Jefonipa surin Calebta bendicionninta qor Hebrón partita Josué qoykurqan posisionnin kananpaq.

Josué 24:28

Sayno tantiyarkasirmi markankunapa kutikuyänanpaqna runakunata Josué nirqan.

1 Samuel 10:25

Sayno niyaptinmi runakunata Samuel tantiyasirqan rey imano kananpaq kashqanta y imata rurananpaq kashqantapis. Say tantiyasishqantami juk rölluman qelqarkur Tayta Dioswan Tinkuna Toldu rurinman churarqan. Nirkurnami runakunata Samuel nirqan wayinkunapana kutikuyänanpaq.

1 Samuel 13:2

Israel runakunapita kimsa waranqata (3,000) akrarqan soldädunkuna kayänanpaq. Mana akrashqan runakunatanami nirqan wayinkunapa kutikuyänanpaq. Say kimsa waranqa akrashqan soldädukunapitami ishkay waranqata (2,000) akrarqan Micmascho y Bet-el jalqacho kikinwan quëdayänanpaq. Juk waranqa (1,000) soldädukunatanami kacharqan Benjamín trïbu runakuna täyashqan Gabaa markaman Jonatánwan aywayänanpaq.

1 Samuel 2:20

Silucho kaykäyaptinmi Anata y Elcanata bendicionninta qoshpan Elí nirqan: <>. Saypitanami Elcanaqa warmin Anawan wayinpa kutikuyarqan.