Josué 22:20 - Tayta Diospa Wilakuynin

²⁰ Yarpäyay Zerapa surin Acán rupasinanpaq kaqkunata pakar jusalikushqanta. Sayno rurashqanpitami Tayta Diosqa lapansiwan fiyupa rabyakurqan. Manami Acán japalansu jusalikushqanpita wanurqan, sinöqa wakin Israel mayinsikunapis wanuyarqanmi> >>.

Josué 22:20 ပူးပေါင်းရင်းမြစ်များ

2 Crónicas 24:18

Saymi unay ayllunkuna adorayashqan Tayta Diosta templucho adorayänanpa trukan Asera diösapaq jawiyashqan raku qerukunata y ïdulukunata adorayarqan. Sayno adorayaptinmi Tayta Dios fiyupa rabyakurqan.

Job 35:8

Mana alita rurarqa kikilaykimi condenakuykanki. Alita rurarpis manami Diostasu yanapanki, sinöqa runa mayilaykitami.

Levítico 10:6

Nirkurnami Moisésqa Aaróntawan Aarónpa surinkuna Eleazarta y Itamarta nirqan: <

1 Corintios 10:6

Lapan saykuna päsarqan noqansi tantiyakur paykunano mana jusalikunansipaqmi.

Josué 22:21

Sayno niyaptinmi Rubén trïbu, Gad trïbu y pulan Manasés trïbu runakunaqa Israel mayinkuna kachayashqan mandaqkunata niyarqan:

Josué 7:1

Judá trïbupitami Acán jutiyuq runa karqan. Pay karqan Carmipa surin, Zabdipa wilkan y Zerapa shurukta wilkanmi. Jericó markacho kaqta lapanta rupasiyänanpaq Josué nikaptinmi alinnin kaqta pakaylapa Acán apakurqan. Sayno apakushqanpitami Tayta Dios fiyupa rabyakur Israel runakunapa contran rikakurqan.

Josué 7:18

Zabdi castacho olqu kaqkuna shayämuptinnami Tayta Dios nirqan Acán runa jusayuq kashqanta. Pay karqan Carmipa surinmi. Saynöpis karqan Zabdipa wilkan y Zerapa shurukta wilkanmi. Paykuna kayarqan Judá trïbupitami.

Josué 7:24

Nirkurnami lapan Israel runakunawan Acánta, suwashqan qellayta, qorita, jakuta, warmi surinkunata y olqu surinkunatapis Acor Pampaman apayarqan. Saynölami paypa kaqtaqa lapanta apayarqan wäkankunata, uyshankunata, cabrankunata, ashnunkunata y tolduntapis.

Josué 7:5

Hai markapa punkunpita rumita jorqukuna partiyaq qatikacharmi uraypa qeshpiyaptin kimsa chunka soqta (36) runakunata wanusiyarqan. Saymi Israel runakuna mansarir pelyayta almitiyarqannasu.

2 Pedro 2:6

Saynölami Sodoma y Gomorra markakunatapis uchpayashqanyaq Tayta Dios rupasirqan. Sayno rurarqan castigakuq kashqanta jusasapa runakuna tantiyakuyänanpaqmi.