Josué 21:7 - Tayta Diospa Wilakuynin

⁷ Merari ayllu runakunanami chunka ishkay markakunata chaskiyarqan. Say markakunaqa kayarqan Rubén trïbu, Gad trïbu y Zabulón trïbu chaskiyashqan posisionkunachömi.

Josué 21:7 ပူးပေါင်းရင်းမြစ်များ

1 Crónicas 6:62

62 (47) Gersón ayllu runakunami chunka kimsa markakunata ayllunpa ayllunpa chaskiyarqan. Say markakunata chaskiyarqan Isacar trïbupita, Aser trïbupita, Neftalí trïbupita y Basáncho kaykaq pulan Manasés trïbupitami.

1 Crónicas 6:63

63 (48) Merari ayllu runakunanami suertita jitaypa chunka ishkay markakunata ayllunpa ayllunpa chaskiyarqan. Say markakunata chaskiyarqan Rubén trïbupita, Gad trïbupita y Zabulón trïbupitami.

Éxodo 6:19

Meraripa surinkunami kayarqan Mahli y Musi. Gersón, Coat y Meraripitami levitakuna kaykäyan.

Números 3:20

Meraripa surinkunami kayarqan Mahliwan Musi. Paykunapita miraqkunami kaykäyan Mahli ayllu y Musi ayllu runakuna. Saynömi levitakunapa ayllunkuna qechpapita shulkayaq kaykäyan.

Josué 21:6

Saypitanami suertita jitayarqan Gersón ayllu runakuna markankunata chaskiyänanpaq. Paykunami chunka kimsa markakunata chaskiyarqan. Say markakunaqa kayarqan Isacar trïbu, Aser trïbu, Neftalí trïbu y Basáncho kaq pulan Manasés trïbu chaskiyashqan posisionkunachömi.

Josué 21:8

Saymi Moisésta Tayta Dios nishqannöla Israel runakunaqa suertita jitaypa Leví trïbu runakunata rakipäyarqan markakunata y cercancho kaykaq jalqakunata uywankunata misikuyänanpaq.