Josué 21:4 - Tayta Diospa Wilakuynin

⁴ Puntata suertita jitayarqan cüra Aarónpita miraqkuna markankunata chaskiyänanpaqmi. Aarónpita miraq Coat ayllu wakin runakunami chunka kimsa markakunata chaskiyarqan. Say markakunaqa kayarqan Judá trïbu, Simeón trïbu y Benjamín trïbu chaskiyashqan posisionkunachömi.

Josué 21:4 ပူးပေါင်းရင်းမြစ်များ

1 Crónicas 6:39

39 (24) Hemánpa aluq kaq nawpanchömi Asaf cantayta yanaparqan. Asafpa taytanmi karqan Berequías. Berequíaspa taytanmi karqan Simea.

Éxodo 6:16

Leví kawarqan pachak kimsa chunka qanchis (137) watayuq kashqanyaqmi. Paypa surinkunami qechpapita nunushyaq Gersón, Coat y Merari kayarqan.

Éxodo 6:20

Coatpa surin Amrammi tiyan Jocabedwan majasakarqan. Jocabedpa wawankunami kayarqan Aarónwan Moisés. Amram kawarqan pachak kimsa chunka qanchis (137) watayuq kashqanyaqmi.

Números 3:27

Coatpita miraqkuna kaykäyan Amram ayllu, Izhar ayllu, Hebrón ayllu y Uziel ayllu runakunami.

Josué 21:3

Sayno niyaptinmi Tayta Dios nishqannöla Israel runakuna rakipäyarqan markakunata y jalqakunatapis.

Josué 21:5

Coat ayllu wakin kaq runakunanami chunka markakunata chaskiyarqan. Say markakunaqa kayarqan Efraín trïbu, Dan trïbu y pulan Manasés trïbu chaskiyashqan posisionkunachömi.

Josué 24:33

Aarónpa surin Eleazar wanuykuptinnami surin Fineespa chakranman pampayarqan. Sayqa Efraín jalqakunacho kaykaq Gibeachömi kaykan.