Josué 21:18 - Tayta Diospa Wilakuynin

¹⁸ Anatotta y Almónta. Saymi Benjamín trïbupita chusku markakunata chaskiyarqan. Cada markapami misikuyänanpaq jalqankuna karqan.

Josué 21:18 ပူးပေါင်းရင်းမြစ်များ

2 Samuel 23:27

Anatot markapita kaq Abiezer; Husa markapita kaq Sibecai;

1 Reyes 2:26

Nirkurnami cüra Abiatarta rey Salomón nirqan: <<¡Sänu qaralaykiwan markayki Anatotpa aywakuy! Qamtapis wanusinäpaq jusayki aypämushnami. Sayno kaptinpis manami wanusishaykisu papänï Davidpa puntanta Tayta Diospa babulninta apamush kaptiki. Saynöpis papänïwan iwalmi nakar puriyashkanki>>.

1 Crónicas 6:60

60 (45) Benjamín trïbu runakunapita chaskiyashqan markakunami kayarqan Geba, Alemet y Anatot. Saynölami cada markapa cercancho kaykaq jalqakunatapis uywankunata misikuyänanpaq chaskiyarqan. Saymi Judá trïbupita y Benjamín trïbupita chaskiyashqan markakuna kayarqan chunka kimsa. Say markakunatami Coat ayllu Aarónpita miraq runakuna ayllunpa ayllunpa rakipänakuyarqan.

Nehemías 11:32

Anatot markacho, Nob markacho, Ananías markacho,

Isaías 10:30

¡Galimcho taqkuna, lapan kalpaykiwan qayaräyay! ¡Laischo taqkunapis, sayta wiyayay! ¡Ay imanöraq kaykäyan Anatot markacho taqkuna!

Jeremías 1:1

Kaychömi qelqaraykan Hilcíaspa surin Jeremías wilakushqan. Jeremíasqa cüra ayllumi karqan. Pay karqan Benjamín particho kaq Anatot markapitami.

Josué 21:17

Benjamín trïbupitami chaskiyarqan Gabaónta, Gebata,

Josué 21:19

Saynöpami Aarónpita miraq cürakuna chunka kimsa markakunata jalqankunatawan chaskiyarqan.