Josué 19:47 - Tayta Diospa Wilakuynin

⁴⁷ Sayno kaptinpis posisionninta Dan trïbu runakuna manami qechuyta kamäpakuyarqansu. Saymi Lesemman wisäyarqan saychöna täyänanpaq. Lesem runakunawan pelyar wanusirmi saychöna täkuyarqan. Say markapa jutintami trukasiyarqan Dan jutin kananpaq. Saymi unay ayllunpa Dan jutilan markapa jutinpis karqan.

Josué 19:47 ပူးပေါင်းရင်းမြစ်များ

2 Samuel 24:6

Nirkur Galaad partipa y heteo runakuna täyashqan Cades markapa censaraykar aywayashpan Dan trïbu runakuna täyashqanman chaykurmi Sidón markapa tumayarqan.

Deuteronomio 33:22

Dan trïbu runakunapaqmi Moisés nirqan: <>.

Josué 19:46

Mejarcón y Racón. Saynöpis paykunapaqmi karqan Jope marka cercancho kaykaq partikuna.

Josué 19:48

Saynömi karqan Dan trïbu runakuna ayllunpa ayllunpa posisionninta chaskiyashqan markakunapis caseriunkunapis.