16 Saynömi karqan Zabulón trïbu runakuna ayllunpa ayllunpa posisionninta chaskiyashqan markakuna caseriuntin.
Say posisioncho kaq markakuna karqan Catat, Naalal, Simrón, Idala, Belén y wakin markakunapis. Paykunapa markankuna chunka ishkaymi karqan. Say markakunapa caseriunkunapis karqanmi.
Posisionta aypunanpaq suertita yapay jitaptinmi Isacar trïbupa ayllunkunapaq yarqamurqan.