Josué 18:16 - Tayta Diospa Wilakuynin

¹⁶ Saypitami urararqan Refaim pampa norti kaq kuchunyaq. Sayqa jirka chakinchömi kaykan. Saypitaqa Ben-hinom raqrami qalaykun. Say lindëru Ben-hinom pampalanpa päsashpan jebuseo runakuna täyashqan jirka sur kaqläpami aywararqan. Saypitami aywararqan En-rogel pukyuyaq.

Josué 18:16 ပူးပေါင်းရင်းမြစ်များ

2 Samuel 17:17

Jerusalénman yaykuykäyaqta pipis mana rikayänanpaqmi Jonatánwan Ahimaas posädaräyarqan Rogel pukyu kaqcho. Saymanmi juk ashmay jipash aywarqan Husai nishqanta wilananpaq. Wilaptinmi Jonatánwan Ahimaas jinan höra Davidta wilaq aywayarqan.

2 Samuel 5:18

Filisteo runakuna chaykurmi campamentunta sharkasiyarqan Refaim pampacho.

1 Reyes 1:9

Rey kayman yaykuyta munarmi Adoníasqa Rogel pukyu kaqman aywaykur Zohelet qaqa nawpancho banquëtita rurasinanpaq pishtasirqan aska uyshata, cabrata, wäkata y wera turïtukunata. Saymanmi qayasirqan wawqinkunata y rey Davidpa yanapaqnin Judá runakunatapis.

2 Reyes 23:10

Ben-hinomcho kaykaq altartapis impüruyäsirqan Moloc diospaq wamrankunata saycho pipis manana rupasinanpaqmi.

1 Crónicas 14:9

Manaraq chaptinmi filisteo runakuna Refaim pampaman chaykur saycho taqkunata atacar qalaykuyarqan.

2 Crónicas 28:3

Say ïdulukunapaqmi Ben-hinom raqracho inciensuwan qoshnisirqan. Saynölami surinkunatapis sacrificiupaq saycho rupasirqan. Sayno rurarmi Tayta Dios unay qarqushqan mana Israel runakunanöla pasaypa jusalikurqan. Say runakunatami Tayta Dios markankunapita qarqurqan Israel runakuna chäyashqan wisan.

2 Crónicas 33:6

Juk diosta adorashpanmi surinkunatapis Ben-hinom raqracho rupasirqan. Saynöpis rikakuq y brüjumi karqan. Payqa almakunawan parlaqkunatapis tapukurqanmi. Sayno mana alikunata rurarmi Tayta Diosta fiyupa rabyanäsirqan.

Isaías 30:33

Asiria runakunapa mandaqnin rey nakananpaq unaypitanami juk sitiu kamarish kaykan. Say kamarishqan sitiuqa jatunkaraymi. Saycho rupananpaqmi yantapis kamarishna kaykan. Tayta Dios pükamuriptinmi shiminpita aska azufri yarqamunqa. Saywan ninata ratasirmi say reyta ushakärasinqa.

Jeremías 19:11

Nirkur ninki:

Jeremías 19:2

Ben-Hinom raqraman pushay. Markapita yarqunki Manka Ruraq niyashqan punkupa. Noqa nishqäta paykunata saycho wilanki.

Jeremías 19:6

<<

Jeremías 32:35

Ben-hinom raqracho altarkunata rurarmi Baal diosta adorayash. Moloc diostapis adorayashpanmi say altarkunacho olquta warmitapis surinkunata rupasiyash. Sayta rurayänanpaq manami nirqäsu ni yarpaylapis yarparqäsu. Sayno rurayashpanmi lapan Judá runakunata jusalikasiyash.

Josué 15:63

Judá trïbu runakuna manami qarquyta kamäpakuyarqansu Jerusaléncho taykaq jebuseo runakunata. Kananyaqpis jinalami jebuseo runakunaqa Judá trïbu runakuna kaqcho taykäyan.

Josué 18:28

Zela, Elef, Jebús (Jebúspa jukaq jutin kaykan Jerusalén), Gabaa y Quiriat. Say markakuna chunka chuskumi caseriunkunawan kayarqan. Saynömi Benjamín trïbu runakuna ayllunpa ayllunpa chaskiyashqan posisionninpa lindërun karqan.

Jueces 1:21

Benjamín trïbu runakunaqa Jerusaléncho taq jebuseo runakunata manami qarquyta kamäpakuyarqansu. Saymi jebuseo runakunaqa kananyaqpis Benjamín trïbu runakunawan Jerusaléncho taykäyan.

Jueces 1:8

Jerusalénman pelyaq aywarnami saycho taq runakunata Judá trïbu runakuna lapanta espädawan wanusiyarqan. Nirkurmi markacho kaykaq wayikunatapis rupasir ushayarqan.

Jueces 19:10

Sayno nikaptinmi Leví trïbu runaqa saycho punuyta mana munar concubïna warminta y ashmayninta pushakurkur y ishkay silla ashnunkunata qatikurkur aywakuyarqan. Sayno aywakurmi Jerusalén niyashqan Jebús marka simpanman chäyarqan.