Josué 18:12 - Tayta Diospa Wilakuynin

¹² Benjamín trïbu runakunapa posisionnin norti kaqläpa lindërunqa Jordán mayupitami qalaykurqan. Saypita Jericó norti kaqläpa päsarmi inti jeqanan kaqläpa wisararqan. Jalqakunapa päsarkurmi Bet-avén niyashqan sunyaq jirkapana päsararqan.

Josué 18:12 ပူးပေါင်းရင်းမြစ်များ

Oseas 10:5

¡Samaria runakunapis mansakashqami kaykäyan! ¡Bet-avéncho adorayashqan qori turïtuta apakuyänanpaq kashqantami tantiyaykäyan! Cürakunapis y runakunapis waqaykäyan kuyayashqan ïdulu manana kananpaq kashqanta musyarmi.

Oseas 4:15

<

Oseas 5:8

Guërra qalaykunanpaq Gabaacho waqrata tukayay. Ramáchöpis kamarikuyänanpaq cornëtata tukayay. Bet-avénchöpis maya mayala kayänanpaq wilakuyay. Benjamín trïbu runakunatapis alcäbu kayänanpaq musyasiyay.

Josué 16:1

Josépita miraq runakuna suertita jitaypa chaskiyashqan posisionpa lindërunkunaqa inti jeqamunan kaqläpa Jordán mayu kuchunpitami qalaykurqan. Jericó pukyukunapita aywararmi sunyaq jirkapa päsar Bet-el jalqakunayaq chärarqan.

Josué 18:11

Posisionta aypunanpaq suertita jitaptinmi Benjamín trïbupa ayllunkunapaq yarqamurqan. Saymi Benjamín trïbu runakuna posisionta chaskiyarqan Judá trïbu runakunapa posisionnin kashqanpita hasta Josépita miraq trïbu runakunapa posisionnin kashqanyaq.

Josué 2:1

Sitimpita ishkay runakunata rikapakamuq Jordán mayu wak simpanman Josué kacharmi nirqan: <>. Sayno niptin aywarmi Rahab warmipa wayinman chaykur saylacho posädakuyarqan. Rahabqa prostitüta warmimi karqan.

Josué 3:16

Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan.

Josué 6:1

Israel runakunata mansarmi Jericó markapa punkunta wichqakarkayämurqan. Saymi pipis yaykurqansu ni yarqurqansu.

Josué 7:2

Jericó markapitami runakunata Josué kacharqan Hai markata rikapakayämunanpaq. Hai markaqa Bet-elpita inti jeqamunan kaqläpa y Bet-avén marka cercanchömi karqan. Saymi paykuna aywar Hai markata rikapakayämurqan.

Josué 8:15

Saymi Josuéwan kaykaq runakuna qeshpiq tukur sunyaq jirkapa aywaq nänipa aywayarqan.

1 Samuel 13:5

Filisteo runakunapis shuntakäyarqan Israel runakunawan pelyayänanpaqmi. Filisteo runakunapami karqan kimsa chunka waranqa (30,000) carrëtankuna y soqta waranqa (6,000) cawallun loqash soldädunkuna. Chakilapa aywaq soldädukunanami kayarqan lamar kuchuncho aqunöraq yupaytapis mana atipaypaq. Paykunami shuntakäyarqan Micmascho. Micmasqa Bet-avén inti jeqamunan kaqläpami karqan.