Josué 17:13 - Tayta Diospa Wilakuynin

¹³ Israel runakuna askaman mirayashpannami cananeo runakunata arusir munaynincho sararäyarqan.

Josué 17:13 ပူးပေါင်းရင်းမြစ်များ

Génesis 49:15

Tashqan markankuna maypis täkuy munaymi kanqa. Saymi qepita apayänanpaqpis waqtankunata kamapäyanqa. Ashmay karpis kushishlami kawayanqa.

2 Samuel 3:1

Saúlpa soldädunkunawan Davidpa soldädunkuna aska watami atacanakur guërracho kayarqan. Sayno pelyar Davidpa soldädunkuna vinciyaptinmi Saúlpa soldädunkuna walkayaykäyarqanna.

1 Reyes 9:21

Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.

Efesios 6:10

Wawqi panikuna, Señor Jesucristo munayninwan yanapaykäyäshuptikiqa firmi kawayay.

Filipenses 4:13

Imano karpis Jesucristo yanapämaptinmi ali kawaykä.

Josué 16:10

Gezer markacho taq cananeo runakunata mana qarquyaptinmi kananyaqpis Efraín trïbu runakuna paykunawan juntu taykäyan. Isanqa say cananeo runakunata ashmaytano arusir munayninchömi sararäyan.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.

Jueces 1:28

Saypita Israel runakuna askaman mirarmi cananeo runakunata ashmaytano arusir munaynincho sararäyarqan. Paykunata qarquytami isanqa kamäpakuyarqansu.

Jueces 1:30

Zabulón trïbu runakunapis Quitrón y Naalal markakunacho taq cananeo runakunata manami qarquyta kamäpakurmi ashmaytano arusir munaynincho sararäyarqan. Saymi cananeo runakuna Zabulón trïbu runakunawan talukash taykäyan.

Jueces 1:33

Neftalí trïbu runakunapis Bet-semes y Bet-anat markakunacho taq cananeo runakunata qarquyta mana kamäpakurmi munaynincho sararar arusiyarqan. Saymi cananeo runakuna Neftalí trïbu runakunawan talukash taykäyan.

Jueces 1:35

Saynöpami amorreo runakunaqa täyarqan Heres, Ajalón y Saalbim markakunacho. Qepataraqmi Josépita miraq Efraín y Manasés trïbu runakuna munayyuq rikakur saycho taykaq amorreo runakunata munaynincho sararar arusiyarqan.