Josué 17:12 - Tayta Diospa Wilakuynin

¹² Say markakunata posisionninkunapaq chaskirpis saycho taykaq cananeo runakunata manami qarquyta kamäpakuyarqansu.

Josué 17:12 ပူးပေါင်းရင်းမြစ်များ

1 Reyes 9:21

Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.

Josué 15:63

Judá trïbu runakuna manami qarquyta kamäpakuyarqansu Jerusaléncho taykaq jebuseo runakunata. Kananyaqpis jinalami jebuseo runakunaqa Judá trïbu runakuna kaqcho taykäyan.

Josué 16:10

Gezer markacho taq cananeo runakunata mana qarquyaptinmi kananyaqpis Efraín trïbu runakuna paykunawan juntu taykäyan. Isanqa say cananeo runakunata ashmaytano arusir munayninchömi sararäyan.