Josué 15:10 - Tayta Diospa Wilakuynin

¹⁰ Baalapita päsarmi inti jeqanan kaqläpa tumararqan Seir jalqakunapa. Saypitami Jearim jalqakuna norti kaqlächo kaykaq Quesalónpa päsar uraypana aywararqan Bet-semespa Timnaman chashqanyaq.

Josué 15:10 ပူးပေါင်းရင်းမြစ်များ

2 Samuel 6:2

Paykunawanmi Judácho kaq Baala markaman aywayarqan Tayta Diospa babulninta Jerusalénman apayänanpaq. Babul janancho kaykaq ishkay querubín chawpinchömi lapanta mandaq Tayta Diospa trönun kaykan.

2 Reyes 14:11

Rey Joás sayno niptinpis Amasíasqa manami cäsurqansu. Mana cäsuptinmi Joásqa Israel soldädunkunawan Judácho kaykaq Bet-semesman aywayarqan Amasíaspa soldädunkunawan pelyayänanpaq.

2 Crónicas 28:18

Saynölami filisteo runakunapis Judá nacionman yaykuyashpan Sefelacho kaykaq markakunata y Neguevcho kaykaq markakunata acaparayarqan. Saynöpami acaparayarqan Bet-semes markata, Ajalón markata, Gederot markata, Soco markata, Timna markata, Gimzo markata y nawpancho kaq markakunatapis. Nirkurnami say markakunacho täyarqan.

Josué 15:11

Saypitami Ecrón marka norti kaqlä lömapa chaykur tumararqan Sicrónpa y Baala jalqakunapa. Saypita Jabneelpa päsar Mediterráneo Lamarmanmi tinkurqan.

Josué 15:57

Caín, Gabaa y Timna. Say markakuna chunkami caseriunkunawan karqan.

Josué 19:38

Irón, Migdal-el, Horem, Bet-anat y Bet-semes. Paykunapa markankunaqa chunka esqunmi karqan. Say markakunapa caseriunkunapis karqanmi.

Josué 21:16

Aínta, Jutata y Bet-semesta. Saymi Judá trïbupita y Simeón trïbupita esqun markakunata chaskiyarqan. Cada markapami misikuyänanpaq jalqankuna karqan.

Jueces 14:1

Juk junaq Timnat markaman Sansón aywarmi saycho filistea jipashta rikaykur pasaypa kuyakurkurqan.

Jueces 14:5

Mamanwan y taytanwan Timnatman aywar üva chakrapa päsaykäyaptinmi Sansónta juk malta león qaparashpan atacarqan.

1 Samuel 6:9

Wäkakuna aywakuyaptin karu qepalanta qatipäyanki maypa aywayashqantapis rikayänaykipaq. Israel nacioncho Bet-semesman aywaq nänipa apayaptinmi musyashun Israel runakunapa Diosnin castigaykämashqansita. Juk nänipa aywaptinmi isanqa musyashun pay mana castigaykämashqansita, sinöqa lapanpis päsananpaq kaqkunala kashqanta>>.