Josué 13:25 - Tayta Diospa Wilakuynin

²⁵ posisionnin karqan Jazer, Galaad particho kaykaq lapan markakuna y pulan amonita runakunapa markankunapis hasta Rabá simpancho kaykaq Aroeryaq.

Josué 13:25 ပူးပေါင်းရင်းမြစ်များ

2 Samuel 11:1

Cada watami tamya tiempu päsarkuptin reykuna pelyayänanpaq aywayaq. Say wisanmi capitannin Joabta David kacharqan soldädukunata pushakurkur amonita runakunawan pelyayänanpaq. Chaykurmi amonita runakunapa chakrankunacho mikuykunata y markankunatapis chipyaq ushayarqan. Saynölami Rabá markacho taq runakunata tumaypa sapaskiyarqan. Davidnami Jerusalénlacho quëdakurqan.

2 Samuel 12:26

Joabnami soldädunkunawan aywar Rabá marka runakunawan pelyaykäyarqan. Say runakunaqa amonita runakunami kayarqan. Reypa palaciun kaykashqan partiman yaykuyänanpaqna kaykarmi

2 Samuel 24:5

Jordán mayuta simpaskirmi censar qalaykuyarqan Aroer markacho taq runakunata y mayu kuchun markacho taq runakunatapis. Saypitanami Gad trïbu runakuna täyashqan partipa censaraykar päsayarqan hasta Jazer markaman chäyashqanyaq.

1 Crónicas 26:31

Saynöpis Hebrón ayllupitami mandaq karqan Jerías. Chusku chunka (40) wata rey kaykarmi David musyayta munarqan Hebrón ayllu runakuna mayqan markakunacho täyashqantapis. Saymi mandarqan unay qelqaraykashqan librukunata liyir Hebrón ayllu runakuna täyashqan markakuna mayqan kayashqantapis musyayänanpaq. Saynöpami musyayarqan Hebrón ayllu ali chölu runakuna Galaad particho kaykaq Jezercho kayashqanta. Saynöpis musyayarqan Jezercho taq Hebrón ayllu runakunapa mandaqnin Jerías unay kashqanta.

1 Crónicas 6:81

81 (66) Hesbón y Jazer markakunata. Saynölami cada markapa cercancho kaykaq jalqakunatapis uywankunata misikuyänanpaq chaskiyarqan.

Isaías 16:8

Hesbóncho y Sibmacho kaq üvakunapis qarwashtäyanqami. Nacionkunapa mandaqninkuna atacarmi ali wayuq üvakunata jarutakur ushayanqa. Jazeryaq y sunyaq jirkayaqmi say üvakuna plantaraykäyan. Saynölami Kachi Lamar simpanchöpis wayun.

Isaías 17:2

Aroer particho kaykaq markakunacho manami täyanqanasu. Qewalana junta kaptinmi pipis mana wajaptin uywakunala täkuyanqa.

Jeremías 48:32

<

Ezequiel 21:20

20 (25) Juk nänita dibujanki amonita runakuna täyashqan Rabá markaman chäraqta. Jukaq nänitana dibujanki Judá nacioncho kaykaq ali murallash Jerusalén markaman chäraqta.

Amós 1:14

Saymi imaykatapis nina rupar ushashqanno Rabá markapa murällanta y palaciunkunatapis ushakäsishaq. Pasaypa qapararraq waqya tamyanöraqmi say markata ushakäsishaq.

Números 21:32

Saypitanami runakunata Moisés kacharqan Jazer markata rikapakayämunanpaq. Kutiykuyaptinnami Jazerman y nawpan markakunaman aywar amorreo runakunata qarquyashpan Israel runakuna saycho täyarqan.

Números 32:35

Atarot-sofán markata, Jazer markata, Jogbeha markata,

Deuteronomio 2:19

Amonita runakunaman chäyashpayki ama wajupäyankisu ni paykunawan ama pelyayankisu. Lotpita miraqkuna kayaptinmi amonita runakunata say partikunata qoykushkä. Saymi paykuna täyashqan nacionta entregayäshaykisu> >>.

Deuteronomio 3:11

Basán nacionpa mandaqnin rey Ogqa jatunkaray refaíta runami karqan. Payta wanurasish manami mas refaíta runakuna kayarqannasu. Paypa catrinpis fiërrupitami karqan. Catrinpa larguyninpis chusku metrumi karqan. Anchuyninnami ishkay metruno karqan. Amonita runakuna taykäyashqan Rabá markachömi kananyaqpis catrin kaykanraq.

Josué 13:11

Saynöpis posisionnin karqan Galaad parti, gesureo y maacateo runakuna täyashqan partikuna, Hermón jirka aywaq jalqakuna y Basán partipis hasta Salcayaqmi.

Josué 13:24

Gad trïbu runakunatapis ayllunpa ayllunpa Moisés aypuptinmi

Josué 13:26

Saynöpis posisionnin karqan Hesbónpita hasta Ramat-mizpayaq y Betonimyaq y Mahanaimpita hasta Debiryaqmi.

Josué 21:39

Hesbónta y Jazerta. Say chusku markakunapami misikuyänanpaq jalqankuna karqan.

Jueces 5:17

<