Josué 13:13 - Tayta Diospa Wilakuynin

¹³ Gesurcho y Maacacho taq runakunatami isanqa qarqurqansu. Saymi kananyaqpis Israel runakunawan taykäyan.

Josué 13:13 ပူးပေါင်းရင်းမြစ်များ

Génesis 35:22

Saycho taykaptinmi Jacobpa surin Rubén papäninpa concubïnan Bilhawan punurqan. Surin sayno rurashqanta musyaykurmi taytan fiyupa rabyakurqan. Israelpa olqu surinkuna kayarqan chunka ishkaymi.

2 Samuel 10:6

Davidta rabyanäsishqanta tantiyaykurmi amonita runakuna Siria nacionman aywaykur Bet-rehob y Soba markakunacho taq ishkay chunka waranqa (20,000) soldädukunata minkakuyarqan yanapäyänanpaq. Saynöpis Maaca runakunapa mandaqnin reywanmi conträtuta rurayarqan juk waranqa (1,000) soldädukunawan yanapäyänanpaq. Saynölami Is-tob partimanpis aywaykur chunka ishkay waranqa (12,000) soldädukunata minkakuyarqan yanapäyänanpaq.

2 Samuel 3:3

Amnónpa qepanman yuriq surinpa jutinmi karqan Quileab. Quileabqa karqan Carmel markacho taq Nabalpa viüdan Abigailpa wawanmi. Quileabpa qepanman yuriq surinpa jutinmi karqan Absalón. Absalón karqan Maacapa wawanmi. Maaca karqan Gesur markapa mandaqnin rey Talmaipa surinmi.

Números 33:55

Canaáncho taq runakunata mana qarquyaptikiqa paykuna kayanqa nawikicho qanra kaykaqno y chakikicho kasha jatiraykaqnömi.

Deuteronomio 3:14

Argob partitami Manasés trïbu Jair jutiyuq runa sarikurkurqan Gesurpa y Maacapa lindërunyaq. Sarikurkurnami say partita kikin jutisirqan Havot-jair jutin kananpaq. Kananyaqpis say jutilami kaykan.

Josué 12:5

Ogpa munayninchömi karqan Hermón puntapita Salcayaq, intëru Basán partipita Gesur lindëruyaq y Maaca lindëruyaq. Pulan Galaadpis Hesbóncho taq rey Sehónpa lindërunyaq paypa munayninchömi karqan.

Josué 13:11

Saynöpis posisionnin karqan Galaad parti, gesureo y maacateo runakuna täyashqan partikuna, Hermón jirka aywaq jalqakuna y Basán partipis hasta Salcayaqmi.

Josué 13:12

Saynöpis posisionnin karqan Basán partipa rey Og mandashqankunapis. Og tarqan Astarotcho y Edreichömi. Paylanami refaíta runa kaykarqan. Og mandashqan runakunata wanurkasirmi markankunata Moisés qechurqan.

Josué 13:14

Moisés manami ima posisiontapis Leví trïbu runakunata aypurqansu. Saypa trukanqa Tayta Dios nishqanno paykunapaq karqan Israel runakuna apayashqan sacrificiukunalami.

1 Samuel 27:8

Saycho tashpanmi Davidqa yanapaqnin runakunawan asaltaq aywayaq gesurita, gezrita y amalecita runakuna täyashqan markakunaman. Say runakunaqa täyarqan Telaim partipita Shur nishqan partiyaqmi. Say karqan Egiptuläpami.