Josué 12:7 - Tayta Diospa Wilakuynin

⁷ Israel runakunawan Jordán mayuta simparkur aska reykunatami Josué wanusirqan. Say reykuna mandayashqan partikuna karqan Líbano pampacho kaq Baal-gadpita Seir partiman aywaq Halac jirkayaqmi. Say partikunatami Israel trïbukunata Josué aypurqan posisionnin kananpaq.

Josué 12:7 ပူးပေါင်းရင်းမြစ်များ

Génesis 14:6

Nirkur Seir jalqapa aywarnami horeo runakunatapis ushayarqan. Qeshpiq kaqtanami Parányaq qatipäyarqan. Say kaykan sunyaq jirka nawpanchömi.

Génesis 32:3

3 (4) Saypitanami Jacob ashmayninkunata kacharqan kutiykashqanta wawqin Esaúta wilayänanpaq. Esaúqa taykarqan Seircho kaykaq Edomchömi.

Génesis 36:20

Seir partiman Esaú manaraq chaptinmi horeo runakuna saycho täyarqan. Paykuna mirayarqan Seir jutiyuq runapitami. Seirpa surinkunami kayarqan Lotán, Sobal, Zibeón, Aná,

Génesis 36:30

Disón, Ezer y Disán. Say runakuna juknin jukninpis horeo runakunapa mandaqninmi kayarqan. Cada ayllupa jutinqa mandaqninpa jutin kashqannömi karqan. Say ayllukunami Seir particho täyarqan.

Génesis 36:8

Saynöpami Esaú ayllu runakuna lapan aywakuyarqan Seir jalqakunaman. Esaúpa jukaq jutinmi karqan Edom.

Salmo 135:11

Say reykunami kayarqan amorreo runakunapa mandaqnin Sihón, Basáncho taq rey Og y cananeo runakunapa mandaqnin reykunapis.

Deuteronomio 2:1

<

Deuteronomio 2:4

Sayno kaptinqa Israel mayikikunata ninki: <

Josué 11:17

Saynöpis Seirlächo kaykaq Halac puntapita hasta Líbano pampacho kaykaq Baal-gadyaq yaykurmi lapan markakunapa mandaqnin reyninkunatapis wanusiyarqan. Baal-gadqa Hermón punta chakinchömi kaykan.

Josué 11:23

Moisésta Tayta Dios nishqannölami lapan markakunata y chakrakunata Josué shuntaykur Israel trïbukunata aypurqan. Saypitaqa guërra manana kaptin Israel runakuna jawkalanami kawakuyarqan.

Josué 3:17

Israel runakuna päsayashqanyaqmi Tayta Diospa Pactu Babulninta umrush cürakuna sakish mayu chawpilancho ichiräyarqan. Saynömi Israel runakuna lapanpis sakilapana simpayarqan.

Josué 9:1

Heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapa mandaqnin reykunami musyayarqan wakin markakunata Israel runakuna ushakäsiyashqanta. Say reykunaqa täyarqan jalqakuna kashqan partipa, Sefelapa y Mediterráneo Lamar kuchunpa hasta Líbanuyaqmi. Lapan say partikuna kayarqan Jordán mayu simpan inti jeqanan kaqläpami.