Josué 12:5 - Tayta Diospa Wilakuynin

⁵ Ogpa munayninchömi karqan Hermón puntapita Salcayaq, intëru Basán partipita Gesur lindëruyaq y Maaca lindëruyaq. Pulan Galaadpis Hesbóncho taq rey Sehónpa lindërunyaq paypa munayninchömi karqan.

Josué 12:5 ပူးပေါင်းရင်းမြစ်များ

2 Samuel 13:37

Davidqa surin Amnónpaq lakikushpanmi waran waran waqaq. Absalónnami qeshpir aywakurqan Gesur nacionpa mandaqnin rey Talmaiman. Talmaiqa Amiudpa surinmi karqan.

2 Samuel 15:8

Siriacho kaykaq Gesur markacho kaykarmi Tayta Diosta promitir nirqä: >>.

2 Samuel 23:34

Maaca markapita kaq Ahasbaipa surin Elifelet; Gilo markapita kaq Ahitofelpa surin Eliam;

2 Samuel 3:3

Amnónpa qepanman yuriq surinpa jutinmi karqan Quileab. Quileabqa karqan Carmel markacho taq Nabalpa viüdan Abigailpa wawanmi. Quileabpa qepanman yuriq surinpa jutinmi karqan Absalón. Absalón karqan Maacapa wawanmi. Maaca karqan Gesur markapa mandaqnin rey Talmaipa surinmi.

2 Reyes 25:23

Gobernadornin kananpaq churashqanta mayaykurmi Gedalíaswan parlaq Judá soldädukunapa capitanninkuna Mizpaman aywayarqan. Say capitankuna kayarqan Netaníaspa surin Ismael, Careapa surin Johanán, Netofapita kaq Tanhumetpa surin Seraías y Maacapita kaq Jaazanías. Paykunami soldädunkuna pushash aywayarqan.

1 Crónicas 5:11

Rubén trïbu runakuna täyashqan lädunchömi Gad trïbu runakunapis täyarqan. Paykuna Basán particho täyarqan hasta Salca partiyaqmi.

Jeremías 40:8

Sayta mayaykurmi mandashqan runakunata pushakurkur say capitankuna aywayarqan Gedalías kaqman. Gedalíasqa Mizpachömi kaykarqan. Say aywaq runakuna kayarqan Netaníaspa surin Ismael, Careapa surinkuna Johanánwan Jonatán, Tanhumetpa surin Seraías, Netofacho taq Efaipa surinkuna, Maacat runapa surin Jezanías y paykuna mandayashqan lapan runakuna.

Deuteronomio 3:14

Argob partitami Manasés trïbu Jair jutiyuq runa sarikurkurqan Gesurpa y Maacapa lindërunyaq. Sarikurkurnami say partita kikin jutisirqan Havot-jair jutin kananpaq. Kananyaqpis say jutilami kaykan.

Josué 11:3

Saynölami kacharqan Jordán mayu wak simpancho y kay simpancho taq cananeo runakunapa mandaqnin reykunaman, amorreo runakunaman, heteo runakunaman, ferezeo runakunaman, jalqakunacho taq jebuseo runakunaman y Mizpacho kaq Hermón punta chakincho taq heveo runakunamanpis.

Josué 12:1

Jordán mayuta manaraq simparmi ishkay reykunata wanusir nacionninkunata Israel runakuna sarikurkuyarqan. Say reykuna mandayarqan Arnón mayupita Hermón puntayaqmi. Say karqan Arabá pampa simpan inti jeqamunan kaqläpami.

Josué 13:11

Saynöpis posisionnin karqan Galaad parti, gesureo y maacateo runakuna täyashqan partikuna, Hermón jirka aywaq jalqakuna y Basán partipis hasta Salcayaqmi.

1 Samuel 27:8

Saycho tashpanmi Davidqa yanapaqnin runakunawan asaltaq aywayaq gesurita, gezrita y amalecita runakuna täyashqan markakunaman. Say runakunaqa täyarqan Telaim partipita Shur nishqan partiyaqmi. Say karqan Egiptuläpami.