Josué 12:3 - Tayta Diospa Wilakuynin

³ Saynölami Sehónpa munaynincho karqan Jordán mayu nawpan pampakuna Cineret qochapita pasa Arabá Lamaryaq (Arabá Lamarqa Kachi Lamarmi kaykan) y Bet-jesimotpita sur kaqläpa aywar Pisga niyashqan punta chakinyaq. Saykuna karqan Arabá pampa simpan inti jeqamunan kaqlächömi.

Josué 12:3 ပူးပေါင်းရင်းမြစ်များ

Génesis 14:3

Say pisqantin reykunami soldädunkunata shuntayarqan Sidim pampaman. Say pampachömi kananqa Kachi Lamar kaykan.

Génesis 19:25

Say markakuna kayashqan pampakunacho runakunata, uywakunata y lapan imaykatapis chipyaqmi nina usharqan.

1 Reyes 15:20

Sayno manakuptinmi rey Ben-adad awnishpan soldädunkunata y capitanninkunata kacharqan Israel nacioncho kaykaq markakunata atacayänanpaq. Atacarmi acaparayarqan Ijón, Dan y Abel-bet-maaca markakunata, Cineret particho kaq markakunata y Neftalí particho kaq markakunatapis.

Ezequiel 25:9

Sayno kayaptinmi Moab nación kuchuncho kaykaq Bet-jesimot markata, Baal-meón markata y Quiriataim kuyaylapaq markatapis jäpa runakuna atacar vinciyanqa.

Números 21:20

Bamotpita aywarnami Moab nacioncho kaykaq sunyaq pampaman chäyarqan. Saypitami Pisga niyashqan punta rikakan.

Números 34:11

Sefampa päsarmi Ribla partiyaq chanqa. Ribla kaykan Aínpita inti jeqamunan kaqlächömi. Saypitanami lindëru päsanqa Cineret qocha inti jeqamunan kaqläpa.

Lucas 5:1

Genesaret qocha kuchuncho Jesús yachaykäsiptinmi Tayta Diospa wilakuyninta yachasishqanta wiyayta munar aska runakuna kichkiypa juntapäyarqan.

Juan 6:1

Saypitanami Tiberias niyashqan Galilea qochata Jesús simparqan.

Deuteronomio 3:17

Saynöpis Cineret qochapita Arabá Lamaryaqmi paykunata rikasirqä Arabá pampata. Arabá Lamarqa Kachi Lamarmi kaykan. Inti jeqanan kaqläpa lindërun kaykan Jordán mayumi. Inti jeqamunan kaqläpanami Pisga niyashqan jirka kaykan.

Deuteronomio 4:49

Arabá pampapis Israel runakunapaq karqan Arabá Lamaryaqmi. Say pampakuna kaykan Jordán mayu simpan inti jeqamunan kaqlächömi. Arabá Lamarpis Pisga niyashqan punta chakinchömi kaykan.

Josué 11:2

Saynöpis kacharqan norti kaqlä jalqakunacho kaykaq markakunapa mandaqnin reykunaman, Cineret qochapita sur kaqlä Arabá pampacho kaykaq markakunapa mandaqnin reykunaman, Sefelacho kaykaq markakunapa mandaqnin reykunaman y Dorlächo kaq markakunapa mandaqnin reykunamanpis. Dor markaqa inti jeqanan kaqlä costachömi kaykan.

Josué 13:20

Bet-peor y Bet-jesimotpis. Saynöpis posisionnin karqan Pisga niyashqan punta chakin tunakunami.

Josué 15:2

Sur kaqläpa lindërunqa Kachi Lamarpa ura kuchunpitami qalaykurqan.

Josué 15:5

Inti jeqamunan kaqläpanami lindërun karqan Kachi Lamar kuchulanpa hasta Jordán mayuman chashqanyaq. Saypitaqa norti kaqläpanami lindërun qalaykurqan.

Josué 3:16

Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan.