Josué 11:14 - Tayta Diospa Wilakuynin

¹⁴ Say markakunacho taq runakunataqa lapantami Israel runakuna espädawan wanusiyarqan. Nirkurmi uywankunata y lapan imaykantapis kikinkunapaq apakuyarqan.

Josué 11:14 ပူးပေါင်းရင်းမြစ်များ

2 Crónicas 20:25

Saymi Josafat lapan runakunawan aywayarqan contrankunapa imaykantapis shuntayämunanpaq. Chäyashpanmi tariyarqan aska uywakunata, armakunata, mödanakunata y chanin cuestaq alhäjakunata. Lapan tariyashqantami kikinkunapaq shuntakuyarqan. Imaykapis saysika kaptinmi kimsa junaqtaraq shuntayta ushayarqan.

Números 31:9

Nirkurnami madianita runakunapa warminkunata, wamrankunata, uywankunata y imaykankunatapis chanin kaqtaqa apakuyarqan.

Deuteronomio 20:14

Warmikunata, wamrakunata, uywakunata y imaykankunata isanqa kikikikunapaqna apakuyanki. Say runakunapa mikuynintapis Tayta Dios kamaripaykäyäshuptikiqa apakuyanki.

Deuteronomio 20:16

Tayta Dios qoyäshunaykipaq kaykaq nacionman yaykurqa pitapis kawaykaqta ama kachaykuyankisu.

Josué 10:40

Yärakuyashqan Tayta Dios nishqannölami Israel runakunawan Josué wanusir ushayarqan jalqakunacho taq runakunata y mandaqnin reykunata, Neguevcho taq runakunata y mandaqnin reykunata, Sefelacho taq runakunata y mandaqnin reykunata y Jordán mayu pampakunaman aywaq bajädacho taq runakunata y mandaqnin reykunatapis. Saymi paykuna täyashqanqa lapanpis Israel runakunapaqna karqan.

Josué 11:11

Hazorcho taq runakunata lapanta wanuskasirmi markatapis rupasir ushayarqan.

Josué 11:13

Lömakuna janancho sharkasishqan kaq markakunataqa manami rupasirqansu, sinöqa Hazorlatami rupasirqan.

Josué 11:15

Sirviqnin Moisésta Tayta Dios nishqannölami lapantapis Josué cumplirqan.

Josué 8:2

Jericó markacho taq runakunata y mandaqnin reyta ushakäsiyashqaykinölami Hai markacho taq runakunata y mandaqnin reytapis ushakäsiyanki. Say markapitami isanqa uywankunatapis imaykantapis kikikikunapaqna apakayämunki. Elaqpita atacayänaykipaqqa marka qepanpa kamakäyanki>>.

Josué 8:27

Isanqa uywakunata y imaykatapis kuyaylapaq kaqkunataqa manami ushakäsiyarqansu. Saypa trukanqa Josuéta Tayta Dios nishqannöla kikinkunapaqna apakuyarqan.