Josué 10:32 - Tayta Diospa Wilakuynin

³² Atacayashqanpita juk junaqtami Laquis markacho taq runakunata y mandaqnin reytapis Israel runakunapa makinkunaman Tayta Dios churarqan. Saymi saycho kaqtaqa Libnacho rurayashqannöla lapan runakunatapis uywakunatapis Israel runakuna wanusiyarqan.

Josué 10:32 ပူးပေါင်းရင်းမြစ်များ

Éxodo 17:13

Saynöpami Josué y akrashqan runakuna espädankunawan amalecita runakunata wanusir ushaykuyarqan.

Isaías 37:8

Sayyaqmi Asiria nacionpa mandaqnin reyqa Laquis markapita Libna markamanna atacaq aywarqan. Aywashqanta wiyaykurmi Jerusalénman kachashqan runakuna paypa qepanta aywayarqan.

Deuteronomio 7:2

Sayno kaptinpis qamkunapa munaynikiman say runakunata Tayta Dios churamuptin paykunawan ima pactutapis ama rurayankisu. Saypa trukanqa mana kuyapaypa lapanta ushakäsiyanki.

Josué 10:28

Maceda markacho taq runakunata y mandaqnin reytapis say junaqlami soldädunkunawan aywar espädawan Josué wanusir ushayarqan. Jericócho taq runakunata y mandaqnin reyta wanusiyashqannömi saycho taq runakunatapis lapanta wanusir ushayarqan.

Josué 10:31

Libnapitanami Israel runakunawan Josué Laquis markaman aywarqan. Nirkurmi cercancho campamentunkunata ruraykur atacaq yaykuyarqan.

Josué 10:33

Atacaykäyashqanta musyaykurmi Gezer markapa mandaqnin rey Horam soldädunkunawan aywayarqan Laquischo taqkunata yanapäyänanpaq. Jina kaqtami Josuépa soldädunkunaqa lapanta wanusiyarqan.

Josué 11:12

Saynölami wakin markakunamanpis yaykushpan mandaqnin reykunata Josué wanusir usharqan. Lapantapis rurarqan Tayta Diospa sirviqnin Moisés nishqannölami.