Josué 10:10 - Tayta Diospa Wilakuynin

¹⁰ Sayno atacayaptinmi amorreo runakunapa shonqunkunaman pasaypa mansariyta Tayta Dios churarqan. Saynöpami Israel runakuna saysika runakunata Gabaóncho wanusiyarqan. Wakintanami qeshpiykäyaqta qatipaykur Bet-horónpa aywaq nänicho wanusiyarqan. Bet-horónpitanami wakintapis Azecayaq y Macedayaq wanusiyarqan.

Josué 10:10 ပူးပေါင်းရင်းမြစ်များ

2 Samuel 22:15

Elquyninta flëchatanöraq jitamuptinmi conträkuna qeshpir wakpa kaypa aywakuyarqan.

1 Reyes 9:17

Saymi Salomónqa alsasirqan Gezer markatapis. Saynölami alsasirqan ura kaq Bet-horón markata,

2 Crónicas 14:12

12 (11) Sayno manakuptinmi rey Asata y Judá runakunata Tayta Dios yanaparqan Etiopía runakunata vinciyänanpaq. Vinciyaptinmi Etiopía runakunaqa qeshpir aywakuyarqan.

2 Crónicas 25:13

Paykuna guërracho kayashqanyaqmi Amasías kutisishqan runakuna Samariapita pasa Bet-horónyaq Judá nacioncho kaykaq markakunata atacar kimsa waranqa (3,000) runakunata wanusiyarqan. Nirkurmi say wanush runakunapa imaykankunatapis apakuyarqan.

Salmo 18:14

14 (15) Elquyninta flëchatanöraq jitamuptinmi conträkuna qeshpir wakpa kaypa aywakuyarqan.

Salmo 44:3

3 (4) Manami kikinpa kalpanwansu kay nacionta sarikurkuyarqan. Ni espädawan atacarsu kaycho taq runakunata ushayarqan. Saypa trukanqa kikikimi aluq kaq makikiwan vincishkanki. Unay ayllükunata kuyashpaykimi yanapashkanki.

Salmo 68:14

14 (15) Lapanpaq munayyuq Tayta Dios mansakäsiptinmi say reykuna qeshpikuyarqan. Sayno qeshpiyashqanmi karqan Salmón puntacho rashtata wayra apashqanno.

Salmo 78:55

Kuyashqan runakunapa nawpanpitami say runakunata qarqurqan. Paykunapa chakrankunata y markankunatami Israel runakunatana aypurqan.

Isaías 28:21

Perazim lömacho pelyashqanno yapaymi Tayta Dios pelyanqa. Gabaón pampacho rabyakushqanno yapaymi rabyakunqa. Mana criyiypaqmi runakunata castiganqa. Pipis tantiyayta mana atipashqantami ruranqa.

Isaías 30:30

Contrankunata ushakäsinanpaq shamurmi fiyupa mansariypaq parlashqanta Tayta Dios wiyakäsinqa. Bunyaypa bunyar rupaykaq ninawan, maqakuywan, mangädawan y runtu tamyawanmi fiyupa rabyashpan castiganqa.

Jeremías 34:7

Say hörami Babilonia nacionpa mandaqnin rey soldädunkunawan Jerusalénta atacaykäyarqan. Saynölami atacaykäyarqan Laquis markatapis y Azeca markatapis. Judá nacioncho wakin corralash markakunataqa maynami vinciyash karqan. Jerusalén, Laquis y Azeca markakunatami isanqa vinciyarqanraqsu.

Zacarías 14:3

Sayno ruraykäyaptinmi kikin Tayta Dios pelyanqa say nacionkunawan. Israel runakunata unay yanapar pelyashqannömi say nacionkunawan pelyanqa.

Deuteronomio 7:23

<

Josué 10:11

Amorreo runakuna Bet-horónpita uraypa Azecayaq qeshpiykäyaptinmi rumi sikasaq runtu tamyata Tayta Dios tamyasimurqan. Say tamyawanmi Israel runakuna espädawan wanusiyashqanpitapis mas askaq wanuyarqan.

Josué 10:28

Maceda markacho taq runakunata y mandaqnin reytapis say junaqlami soldädunkunawan aywar espädawan Josué wanusir ushayarqan. Jericócho taq runakunata y mandaqnin reyta wanusiyashqannömi saycho taq runakunatapis lapanta wanusir ushayarqan.

Josué 10:9

Tayta Dios sayno niptinmi Gilgalpita warati aywaykur elaqpita amorreo runakunata Israel runakuna atacayarqan.

Josué 11:8

Atacayaptinmi Tayta Dios yanaparqan lapanta ushakäsiyänanpaq. Saymi qatikachäyarqan jatun Sidón markayaq y Misrefot-maimyaq. Saynöpis inti jeqamunan kaqläpa qatikachäyarqan Mizpa pampayaq. Sayno pelyar manami juklaylatapis kawaykaqta kachaykuyarqansu.

Josué 12:16

Maceda markapa mandaqnin rey, Bet-el markapa mandaqnin rey,

Josué 15:35

Jarmut, Adulam, Soco, Azeca,

Josué 15:41

Gederot, Bet-dagón, Naama y Maceda. Say markakuna chunka soqtami caseriunkunawan karqan.

Josué 16:3

Saypita urarnami inti jeqanan kaqläpa päsararqan Jaflet runakuna taykäyashqan ura kaq Bet-horónyaq. Saypitanami Gezerpa päsar Mediterráneo Lamaryaq chärarqan.

Josué 16:5

Efraín trïbu runakuna ayllunpa ayllunpa chaskiyashqan posisionpa lindërunqa inti jeqamunan kaqläpita qalaykur Atarot-adarpa y Bet-horónpa päsar

Josué 21:22

Kibsaimta y Bet-horóntami chaskiyarqan. Say chusku markakunapami misikuyänanpaq jalqankuna karqan.

Jueces 4:15

Pelyayaptinmi Tayta Dios pasaypa mansarïsirqan Sísarata, carrëta manijaq soldädunkunata y wakin soldädunkunatapis. Saymi Sísarapis carrëtanta kachariykur chakilapa qeshpir aywakurqan.

Jueces 4:16

Say junaqmi Baracqa Sísarapa soldädunkunata y carrëta manijaqkunatapis espädawan lapanta wanusiyarqan Haroset-goimyaq.

Jueces 5:20

Qoyllarkunapis Sísarapa contranmi jana pasapita pasa pelyayämurqan.

1 Samuel 13:18

Juk puntami aywayarqan Bet-horónläpa y jukaq puntanami aywayarqan Zeboim raqra janaqan sunyaq jirkamanpa.

1 Samuel 17:1

Saypitanami filisteo soldädukuna Soco markacho shuntakäyarqan Israel runakunawan pelyayänanpaq. Saymi campamentunta sharkasiyarqan Efes-damimcho. Efes-damimqa Socuwan Azeca markakunapa lindërunchömi karqan. Socuqa karqan Judá trïbu runakuna täyashqan kaqchömi.