Jonás 2:6 - Tayta Diospa Wilakuynin

⁶ 6 (7) Pasaypa ruriyaqmi chashkä. Mananami yarqamunäpaq kashqanta yarpashkänasu. Tayta Dios, wanunäpaqna kaykaptï qammi salvamashkanki.

Jonás 2:6 ပူးပေါင်းရင်းမြစ်များ

Job 33:24

Wanuypita salvamänansipaq say ángel päguta apar Tayta Diosta ruwakuptinqa

Job 33:28

Wanuypita salvamaptinmi asikyaq pasata rikar kushikü>.

Salmo 104:6

Mödanawannömi lamarwan saparkushkanki. Altunnin puntakunatapis yakuwanmi saparkushkanki.

Salmo 104:8

Saymi puntakunapis raqrakunapis yuriyarqan. Qam nishqaykichömi rikakuyarqan.

Salmo 116:3

Wanuypis janächönami karqan. Pampayämänanpaq kashqantanami yarparqä. Saymi pasaypa mansarir lakikurqä.

Salmo 143:7

Jämaynï manaraq ushakashqanyaq jukla contestaykalämay, Tayta Dios. Noqapita ama pakakuykulaysu. Pakakuptikiqa wanushnöchir rikakushaq.

Salmo 16:10

Wanushkuna pamparashqanchöqa manami kachaykamankipaqsu. Santu sirviqniki kaptïmi sepultüracho ayä ismunantapis munankipaqsu.

Salmo 18:5

5 (6) Wanuypis läzunwanmi watamarqan. Ushakäsikuq trampatami churapämarqan.

Salmo 30:3

3 (4) Qammi wanuypita salvamashkanki. Wanunäpaq kaykaptïmi libramashkanki.

Salmo 30:9

9 (10) Wanuptï ¿ima provëchutaq qampaq kanqa? Pamparaptï ¿imatataq jorqunki? Wanushkunaqa manami alabayäshunkinasu. Ni ali kashqaykitapis manami wilakuyanqanasu.

Salmo 55:23

23 (24) Tayta Dios, wanusikuqkuna y lulakuqkunaqa juk ishkay watala kawayäsun. Maqtalaraq kaykar wanuyäsun. Noqaqa qamlamanmi imaypis yärakamushaq.

Salmo 65:6

6 (7) Mana kuyukunanpaqmi lapan jirkakunatapis munaynikiwan shumaq takyasishkanki.

Salmo 69:2

2 (3) Suksukyaykaq sinigacho jatikaykaqnömi kaykä. Mayman jarurkunäpaqpis manami tarïsu. Jundu yakucho kaykaqnömi kaykä. Bunyaypa bunyar yaku apaykämaqtanömi mayaykä.

Isaías 38:10

Noqa yarparqä maqtalaraq kaykar wanunäpaq kashqantami. Saynöpis yarparqä wanushkuna kashqanman aywakur manana imaypis asikyay pasata rikanäpaq kashqantami.

Isaías 38:17

Saymi nakanäpa trukan alina kawaykä. Lapan jusalikushqäta perdonamashkankimi. Wanukunäpaqna kaykaptïmi salvamashkanki.

Isaías 40:12

¿Piraq Tayta Diosno maki paltalanwan chaqaypa lamar yakuta tupunman? Jana pasatapis Tayta Dios cuartaypa tupushqanno ¿piraq tupunman? Kay pasacho alpatapis ¿piraq Tayta Diosno lapanta pësanman? Lömakunatapis jirkakunatapis ¿piraq Tayta Diosno balanzawan pësanman?

Ezequiel 26:20

Saynöpami unay wanuqkuna kaykäyashqanman jitarpushayki. Pasapa shonqunman qarpuriptïmi imaypis kankipaqnasu. Unay wanuqkunawanna kaptikimi marka kanaykipaq pipis sharkasishunkinasu. Qamcho mananami pipis tanqanasu.

Ezequiel 31:14

<<

Habacuc 3:10

Rikayäshushpaykimi jirkakunapis mansariyashpan suksukyäyan. Waqya tamyapis pasaypami tamyamun. Lamarpis bunyaypa bunyarmi qaparan. Yakupis fiyupami pulchaqyan.

Habacuc 3:6

Tayta Dios ichiykuptin pasapis fiyupami suksun. Rikaraptin maysay markakunapis pasaypami mansakäyan. Jirkakuna unaypita pasa karpis juchunmi. Saynölami lömakunapitapis juchu aywan. Tayta Diosmi isanqa mana ushakaq kaykan.

Mateo 16:18

Qamta nï Pedro kashqaykitami. Kay rumi jananchömi iglesiäta sharkasishaq. Say iglesiataqa Satanáspis manami vincinqasu.

Deuteronomio 32:22

Imayka nina rupaqnöraqmi pasaypa rabyanaykä. Rabyaynï chanqa pasa rurinyaq y jirkakunapa cimientunyaqmi. Mikuy mana wayunanpaqmi chakratapis qachpayäsishaq.