Jonás 1:4 - Tayta Diospa Wilakuynin

⁴ Say büquiwan aywaykaptinmi Tayta Dios fiyupa wayräsimurqan. Saymi yaku junaqtaraq fiyupa pulchaqyaptin büquipis pakikänanpaqna kaykarqan.

Jonás 1:4 ပူးပေါင်းရင်းမြစ်များ

Salmo 135:6

Jana pasacho, kay pasacho, lamarcho y lamar rurin liwliwyaykaqkunachöpis Tayta Diosqa munashqantami ruran.

Salmo 135:7

Kay pasapa kuchunpitami pukutayta sharkasin. Tamyamunanpaqpis maqakasimunmi. Churaraykäsishqanpitami wayratapis jorqamun.

Salmo 148:8

Maqakuypis, runtu tamyapis, rashtapis y pukutaypis, alabayay. Tayta Dios munashqanta ruraq löcu wayrapis, alabay.

Éxodo 10:13

Sayno niptinmi Egiptuman tukrunta Moisés joqarirqan. Saymi inti jeqamunanläpita juk paqas y juk junaq Tayta Dios wayräsimurqan. Say wayrami warayninpaqqa saysika chukluskunata juntäsimurqan.

Éxodo 10:19

Manakuptinmi inti jeqananläpita Tayta Dios fiyupa wayräsimurqan. Say wayra lapan chukluskunata Puka Lamarman apaptinmi intëru Egiptucho karqannasu.

Éxodo 14:21

Moisésnami makinta lamar jananpa joqarirqan. Saymi inti jeqamunan kaqläpita Tayta Dios warati fiyupa wayräsimur lamarta ishkayman rakirqan. Saymi yaku rakikashqan kaq sakina karqan.

Éxodo 15:10

Jina kaqta pükariptikimi lamar ultakurkush. Bunyaypa bunyaykaq yaku rurinmanmi plömunöraq talpukäyash.

Jeremías 51:16

Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Amós 4:13

Noqami jirkakunatapis y wayratapis kamashkä. Noqami imata yarpashqätapis runakunata musyasï. Junaqtapis sakaymanmi tikrasï. Noqami jirka puntakunapapis purï. Jutïpis lapanpaq munayyuq Yahwehmi kaykan.

Números 11:31

Nirkurnami lamarpita wayrata Tayta Dios wayräsimurqan. Say wayrami saysika codornizkunata pasalapa pajaykaqta campamentu nawpankunaman apamurqan. Say codornizkunami campamentu nawpankunapa juk junaq aywayyaq kayarqan.