Joel 3:12 - Tayta Diospa Wilakuynin

¹² 12 (4.12) <

Joel 3:12 ပူးပေါင်းရင်းမြစ်များ

2 Crónicas 20:26

Saypita chusku kaq junaqchönami juk pampaman shuntakar Tayta Diosta alabayarqan. Say pampatami jutisiyarqan Beraca jutin kananpaq. Kananyaqpis say jutilami kaykan.

Salmo 7:6

6 (7) Tayta Dios, rabyashpayki chikimaqnïkunapa contran sharkuykulay. Favornï sharkushpayki paykunata castigaykulay.

Salmo 96:13

Tayta Diospa nawpancho kushish cantayäsun. Paymi shamuykan kay pasacho juzgananpaq. Paymi lapan nación runakunata mana jananpaypa juzganqa.

Salmo 98:9

Tayta Diospa nawpancho alabayäsun. Payqa lapan runakunata juzgananpaqmi shamuykan. Paymi kay pasacho taqkunata mana jananpaypa juzganqa.

Isaías 2:4

Aska nación runakuna chikinakuyaptinpis Tayta Diosmi arreglanqa. Say nacionkuna jatun kayaptinpis paymi juzganqa. Juk markawan juk marka guërrata manami rurayanqanasu. Guërracho pelyayänanpaqpis manami kamarikuyanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa.

Isaías 22:1

Kaychömi qelqaraykan Rikachakuna Pampacho ima kananpaq kashqantapis Tayta Dios revelashqan. Jerusalén runakuna, ¿imataq markaykicho kaykan? ¿Imanirtaq wayi janankunacho kushikuykäyanki?

Isaías 3:13

Kuyashqan runakunata juzgananpaq kamarikushnami Tayta Dios kaykan.

Ezequiel 30:3

Say junaq janaykichönami kaykan. Qamkunata castiganäpaq manami aykäpis pishinnasu. Say junaqqa pasapis sakakurkuqnöraqmi kanqa. Lapan nacionkunapis fiyupa mansariywanmi turbatäyanqa.

Ezequiel 39:11

<<

Joel 3:14

14 (4.14) Juzgana Pampachöqa waranqanpa waranqanpami runakuna shuntakash kaykäyan. Paykunata Tayta Dios juzganan junaq chämunqanami.

Joel 3:2

2 (4.2) Lapan nación runakunata shuntarkurmi Josafat Pampaman apashaq. Saychömi paykunata juzgashaq kuyashqä Israel runakunapa contran rikakuyashqanpita. Qoykushqä nacionninpitami Israel runakunata say contrankuna maysay nacionman qarquyash. Israel nación noqapa kaykaptinmi paykuna aypunakuyash.

Miqueas 4:3

Aska nación runakuna chikinakuyaptinpis Tayta Diosmi arreglanqa. Say nacionkuna jatun y mayjina karucho kayaptinpis paymi juzganqa. Juk markawan juk marka guërrata manami rurayanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa. Guërracho pelyayänanpaqpis manami kamarikuyanqanasu.

Zacarías 14:4

Say junaqmi Jerusalén simpan inti jeqamunan kaqlä Olivos lömacho Tayta Dios ichinqa. Saycho ichiptinmi Olivos löma ishkayman partikanqa. Partikaptinmi jatunkaray raqra rikakunqa inti jeqamunanpita hasta inti jeqananyaq. Pulan lömami norti kaqläpa rakikanqa y pulan kaqnami sur kaqläpa rakikanqa.

Apocalípsis 19:11

Saypitanami jana pasa kichakämuptin rikarqä yuraq cawalluta. Loqaraqninpa jutinmi karqan Nishqanta Rasunpa Cumpliq. Paymi pitapis mana jananpaylapa juzgan. Mana ali ruraqkunata ushakäsinanpaqmi guërratapis ruran.