Joel 2:32 - Tayta Diospa Wilakuynin

³² 32 (3.5) Sayno kaptinpis noqata manakamaq kaqtaqa pïmaytapis salvashaqmi. Promitishqänölami Sión lömacho kaykaq Jerusaléncho runakunata salvashaq. Qayashqä kaqkunataqa lapantami salvashaq>>.

Joel 2:32 ပူးပေါင်းရင်းမြစ်များ

Génesis 4:26

Setnami surin yuriykuptin jutin churaparqan Enós kananpaq. Enós kashqanpitaraqmi runakuna Tayta Diosta adorar qalaykuyarqan.

Salmo 50:15

Nakaykuna shamuptin manakayämay. Manakayämaptikiqa yanapäyäshaykimi. Yanapashqäta tantiyakurmi alabayämanki>>.

Isaías 10:22

Lamar kuchuncho aqushanöraq kanan kaykarpis Israel runakunaqa walkaqlami kawaykar quëdayanqa. Walkaqla quëdananpaqmi nacionninkunata Tayta Dios ushakäsinqa.

Isaías 11:11

Say wisanmi juklä nacionkunacho mashikash kaykaq kuyashqan runakunata Tayta Dios yapay shuntamunqa. Saymi kutisimunqa Asiriapita, Egiptupita, Patruspita, Etiopíapita, Elampita, Sinarpita, Hamatpita y lamar kuchuncho kaq nacionkunapitapis.

Isaías 11:16

Asiriacho taq Israel runakunapis jatun nänipami kutiyämunqa. Egiptupita yarqamur jatun nänipa shayämushqannömi kutiyämunqa.

Isaías 4:2

Say wisanmi Tayta Dios sheqlisimushqan kuyaylapaq y kushikuypaq kanqa. Mikuy ali poquptinmi kawaykar quëdaqkuna kushish y respitash kawayanqa.

Isaías 46:13

Karu nacioncho kayashqaykipita kutisiyämushaykinami. Shuntamunäpaq manami aykäpis pishinnasu. Sióncho täyänaykipaqmi kutisiyämushayki. Kuyashqä Israel runakuna kayaptikimi salvayämushayki>>.

Jeremías 31:7

Tayta Diosmi nin: <

Jeremías 33:3

Manakamay. Manakamaptikiqa mana tantiyashqaykita y mana musyashqaykitami tantiyasishayki.

Amós 9:8

<>. Tayta Diosmi sayno nin.

Abdías 1:17

Kawaykar quëdaq runakunami isanqa Sión lömaman amparakuyanqa. Say löma sagrädu kaptinmi Jacobpita miraq runakuna salvakuyashpan herencianta shuntayanqa.

Abdías 1:21

Lapanta vinciskirnami Sión lömaman wisäyanqa Esaúpita miraq runakunata juzgayänanpaq. Tayta Diospa makinchömi lapanpis kanqa.

Miqueas 5:3

3 (2) Itita warmi qeshyakushqanyaqlami contrankunapa makincho Israel runakunata Tayta Dios kacharinqa. Wamra yuriskiptinnami Israel runakuna mashtakash kaykäyashqanpita kutiyämunqa.

Zacarías 13:9

Kawaykar quëdaqkunataqa jusaynaq kayänanpaqmi purificashaq. Qellayta ninawan fundiqno y qoripa qanranta ninawan jorquqnömi paykunata purificashaq. Paykuna manakayämaptin wiyashaqmi. Paykunatami nishaq: . Paykunanami niyämanqa: >>.

Juan 10:16

Manami kaylachösu uyshäkuna kaykäyan, sinöqa jukläkunachöpis kaykanmi. Paykunapis voznïta reqirmi cäsukayämanqa. Saymi paykunatapis shuntamushaq juk corrallachöna kayänanpaq. Saynöpami juklaylana misiqnin kanqa.

Juan 4:22

Qamkunaqa Diosta adorarpis wilakuyninta manami musyayankisu. Salvakuq runa Israelpita kaptinmi noqakunaqa wilakuyninta musyayä.

Hechos 15:17

Sayno rurashaq lapan runakunapis ashiyämänanpaqmi. Noqa akrashqä mana Israel runakunapis noqamannami yärakayämunqa.

Hechos 2:39

Tayta Diosninsi promitishqan Espíritu Santuqa qamkunapaq, surikikunapaq y maysaycho taptinpis lapan qayashqan runakunapaqmi kaykan>>.

Romanos 11:26

Saypitanami lapan Israel runakunapis salvakuyanqa. Tayta Diospa palabranchöpis kaynömi qelqaraykan: <

Romanos 11:5

Elías kawashqan wisannölami kananpis wakin Israel runakuna Tayta Diosta sirviykäyan. Sayno sirviykäyan Tayta Dios kuyapar akrashqanpitami.

Romanos 11:7

Saymi akrashqan kaq Israel runakunala salvacionta tariyan. Wakin kaq Israel runakunaqa salvacionta ashirpis manami tariyansu. Paykunapa shonqunkunatami Tayta Dios chukruyäsirqan wilakuyninta mana cäsuyänanpaq.

Romanos 9:24

Say kuyapashqan runakunaqa noqansimi kaykansi. Paymi akramashkansi Israel runa kashqapis y mana Israel runa kashqapis.

Romanos 9:27

Wakin Israel runakunala salvash kayänanpaq kashqantami Isaías kayno qelqarqan: <

1 Corintios 1:2

Corinto markacho Tayta Dios kuyashqan yärakuq mayikuna: Qamkunapaqmi Tayta Dios kayno nirqan: <>. Sayno kayaptikimi qayayäshushkanki pay munashqanno santu kawayänaykipaq. Saynölami maycho täyaptinpis payman lapan yärakuqkunata qayash. Saymi Jesucristuqa paykunapapis y noqansipapis Señorninsi kaykan.

Hebreos 12:22

Qamkunaqa Sión lömaman y jana pasacho kaykaq Jerusalénman chashnönami kaykäyanki. Say markaqa imayyaqpis kawaq Tayta Diospa markanmi. Saychömi yupaytapis mana atipaypaq saysika angilkuna Tayta Diosta kushish alabaykäyan.