Joel 2:3 - Tayta Diospa Wilakuynin

³ Imatapis tarishqan kaqta nina ushaqnömi lapantapis ushayanqa. Atacayänanpaq manaraq chämuptin Edén huertanömi lapanpis kuyaylapaq kanqa. Päsaskiyaptinmi isanqa sunyaykar rikakunqa. Manami imapis say soldädukunapita qeshpinqasu.

Joel 2:3 ပူးပေါင်းရင်းမြစ်များ

Génesis 13:10

Sayno niptinmi Lotqa Jordán mayu nawpan intëru pampakunata Zoar markalämanpa rikarqan. Say pampakunacho qewapis y yakupis aska kaptinmi Edén huertanöraq y Egiptunöraq karqan. Sayno karqan Sodoma y Gomorra markakunata Tayta Dios manaraq ushakäsiptinmi.

Génesis 2:8

Paytami Edéncho jatunkaray huertaman churarqan saycho tänanpaq. Say huertataqa kikin Tayta Diosmi inti jeqamunanlächo rurarqan.

Salmo 50:3

Tayta Diosninsiqa shamuykannami. Shamushqanqa wiyakaykämunnami. Imaykatapis rupar ushaq ninami puntanta shamuykan. Nawpankunapanami löcu tamyapis y maqakuypis kaykan.

Salmo 97:3

Puntantami nina rupaykar aywan. Say ninawanmi chikiqninkunata ushakäsin.

Éxodo 10:15

Saymi pampapis mana rikakashqanyaq juntäyarqan. Sayno tishyayparaq karmi lapan plantakunata y runtu tamyapita qeshpiq jachakunapa wayuynintapis mikuyarqan. Saymi Egiptucho jachakunapis qewakunapis verdiqa quëdarqansu.

Éxodo 10:5

Saykunami alpapis mana rikakashqanyaq tishyayparaq juntäyämunqa. Runtu tamyapita qeshpiq mikuytapis chipyaqmi ushayanqa. Saynölami lapan jachakunatapis kachkaykar ushayanqa.

Isaías 14:17

¿Kaychi maymanpis chashqan kaqta sunyaqta kachariq, markakunatapis ushakäsiq y prësukunatapis mana kachariq karqan?>

Isaías 15:6

Nimrimcho kaq yaku pözukunapis y qewakunapis sakinqami. Lapan sheqlimuq jachakunapis wanutanqami. Manami ima jachakunapis verdiranqanasu.

Isaías 33:4

Paykunapa imaykankunatapis contrankunami apakuyan. Saysika chukluskunanöraqmi ushakurkuyan.

Isaías 51:3

Saynölami raqäla kaykaq Siónmanpis bendicionnïta yapay churashaq. Sunyaq jirkano kaptinpis Edén huertano kananpaqmi tikrasishaq. Saymi Sióncho seqaypa kushikur alabayämanqa.

Isaías 9:18

18 (17) Runakuna mana ali rurayashqanqa shatatapis kashatapis bunyaypa bunyar rupaq ninanömi kaykan. Muntita rupar qontaywan sharkuq ninanömi kaykan.

Isaías 9:19

19 (18) Saymi lapanta mandaq Tayta Dios rabyash castigashqanqa intëru nacioncho rupaq ninano kanqa. Oqshata nina rupar ushaqnömi runakunatapis ushakäsinqa. Say wisanqa manami pipis runa mayinta kuyapanqasu.

Jeremías 5:17

Lapan mikuynikikunatapis ushakurkuyanqami. Surikikunatapis warmita y olqutapis wanusiyanqami. Uyshaykikunata, wäkaykikunata, üvaykikunata y hïgusnikikunatapis ushakurkuyanqami. Yärakuyashqayki ali sigurash markakunatapis ushakäsiyanqami>>.

Ezequiel 36:35

kushish niyanqa: <>.

Amós 7:4

Saypitanami Tayta Dios revelacioncho rikasimarqan Israel nacionta ninawan castigashqanta. Say ninami pasa rurinpita pashtamuq yakuta sakisir intëru Israel nacionta usharqan.

Habacuc 1:6

Noqami kamakaykäsï Babilonia yaqa runakuna guërrata rurayänanpaq. Paykuna maysaypapis puriykäyan runakunapa wayinkunata y chakrankunata qechurmi.

Zacarías 7:14

Saypitami shukukuy wayra mashipa mashir apaqnöpis mana reqiyashqan nacionkunaman wakpa kaypa paykunata mashtakäsishkä. Puntata täyashqan nacionpis sunyaq rikakuptinmi runakuna saypa päsayarqannasu. Saymi kuyaylapaq nacionnincho pipis tarqannasu> >>.