Joel 2:23 - Tayta Diospa Wilakuynin

²³ Sióncho taqkuna, noqaman yärakayämashpayki kushikuyay. Unaynömi punta kaq tamyata y qepa kaq tamyatapis tiempulancho tamyasimushaq.

Joel 2:23 ပူးပေါင်းရင်းမြစ်များ

1 Reyes 8:36

jana pasapita pasa wiyashpayki kuyashqayki Israel ayllu ashmaynikikunata perdonaykulanki. Nirkur tantiyaykasilanki cäsukuyäshushpayki shumaq kawayänanpaq. Saynöpis qoykushqayki chakrakunaman tamyaykasilämunki, Taytay.

Job 33:23

<

Job 37:13

Kay pasaman tamyasimurmi bendicionninta churamun. Aläpa tamyasimurqa castiganmi.

Salmo 104:34

Yarpachakushqäpis Tayta Diospa shonqunpaqno kaykuläsun. Paypa makincho karmi imaypis kushikü.

Salmo 147:8

Paymi ciëlutapis pukutaywan saparkun. Paymi tamyatapis tamyasimun. Paymi qewakunatapis jirkakunacho winasimun.

Salmo 149:2

Israel runakuna, kamashuqniki Tayta Diosta alabayay. Sión runakuna, Tayta Dios mandashuqniki rey kashqanpita kushikuyay.

Salmo 28:7

Tayta Diosmi amparakunä y escüdü kaykan. Lapan shonqüwan yärakuptï paymi yanapäman. Saymi shonqüpis kushikun. Payta agradëcikurmi alabashaq.

Salmo 32:11

Tayta Dios munashqanno kawaqkuna, pay yanapäshushqaykipita kushikuyay. Ali shonqu runakuna, ¡kushikur alabayay!

Salmo 84:6

6 (7) Waqay Raqrapa päsaptinpis tamya tiempuchönömi saki pukyukuna pashtamunqa.

Proverbios 16:15

Rey kushish kaptinqa pipis kushikunmi. Rey yanapashqanqa murupakuy tiempu tamyanömi kaykan.

Isaías 30:21

Pay munashqanno kawayashpaykiqa ali nänipa aywaykaqnömi kaykäyanki. Say nänipita isuq kaqläpa o aluq kaqläpa yaqaqno kayaptikimi qepaykipita niyäshunki: <>.

Isaías 30:23

Murupakuyänaykipaqpis tiempulanchömi tamyasimunqa. Mikuynikikunapis shumaq wayurmi maypis mikukuy munay kanqa. Uywaykikunapaqpis saysikami qewa kanqa.

Isaías 41:16

Jurquëtawan jitayaptiki say punshata wayrami apakunqa. Shukukuy shamurmi wakpa kaypa mashtarinqa. Qamkunata sayno yanapaptïmi fiyupa kushikuyanki. Israel runakunapa santu Diosnin kaptï kushishqami alabayämanki.

Isaías 61:10

Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.

Jeremías 3:3

Sayno kayashqaykipitami tamya killa wisanpis ni jachakuna tuktunan wisanpis manana tamyamushnasu. <

Jeremías 5:24

Shonqulaykikunachöpis manami yarpachakuyankisu noqata mansapakayämänaykipaqqa. Manami tantiyayankisu mikuyniki ali qeshpinanpaq punta kaq tamyata y qepa kaq tamyatapis noqaraq tamyasimushqäta. Saynöpis manami tantiyayankisu mikuynikikunata shuntayänaykipaqpis noqaraq usyäsimushqäta.

Lamentaciones 4:2

Sión runakunaqa alinnin qoripitapis mas kuyaylapaqmi kayash. Kananqa mana yachaq runa rurashqan mitu mankanömi kaykäyan.

Ezequiel 34:26

Paykunata sagrädu lömä nawpankunaman pushaykurmi bendicionnïta qoshaq. Tamyatapis tiempulanchömi tamyasimushaq.

Oseas 6:3

¡Tayta Diosman imanöpapis kutishun! Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi. Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.

Levítico 26:4

tamyatapis tiempulanchömi tamyasimushaq. Chakrakunacho mikuykunapis jachakunapis alimi wayunqa.

Amós 4:7

Saymi mikuykuna poqunanpaq kimsa killa pishiykaptin usyäsimurqä. Wakin markacho tamya kananpaq y wakin markacho usya kananpaqpis noqami kamakäsirqä. Saymi tamya chashqan chakrachöqa mikuykuna ali wayurqan y mana tamyashqan kaqchönami mikuykuna sakikäkuyarqan.

Zacarías 10:1

Mikuy winaykashqan wisan tamyasimunanpaq Tayta Diosta manakuyay. Manakuyaptikiqa elqukasimur alimi tamyasimunqa. Saynöpami chakraykikunacho qewa shumaq winamunqa.

Zacarías 10:7

Efraín runakunaqa ali chölulantaqmi kayanqa. Vïnuta upurkur kushikuqnömi kushish kawayanqa. Kushish kaykaqta rikarmi surinkunapis kushikuyanqa. Yanapashqäpita kushikurmi alabayämanqa.

Zacarías 9:13

Judá runakuna, flëcha jitakunänömi kayankipaq. Efraín runakuna, flëchänömi kayankipaq. Sión runakuna, espädänömi kayankipaq. Qamkunatami kachayäshayki Grecia runakunata munaynikiman churayänaykipaq>>.

Zacarías 9:9

<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

Hechos 14:17

Sayno kachaparirpis pïmaytami tantiyasin rasunpaypa kaq Dios kashqanta y kuyakuq kashqanta. Paymi mikuynikikuna ali wayunanpaq tamyatapis tamyasimun y kushish kawanansipaq mikuytapis kamaripämansi>>.

Deuteronomio 11:14

punta kaq tamyata y qepa kaq tamyatapis tiempulanchömi tamyasimunqa. Saymi trïgupis ni vïnupis ni aceitipis pishïyäshunkisu.

Deuteronomio 28:12

Mikuynikikuna ali wayunanpaqmi tiempulancho tamyasimunqa. Lapan aruyashqaykikunamanpis bendicionnintami churamunqa. Saynöpami juklä nacionpita imatapis prestakayämunkinasu, saypa trukanqa paykunata prestayänaykipaqpis kanqanami.

Deuteronomio 32:2

Yachasishqäkuna imayka tamyanömi runakunaman chanqa. Wilakuynïqa shulyano, qewaman chaq chirapano y pashpata ushmaq chirapanömi kanqa.

Filipenses 3:1

Wawqi panikuna, Tayta Diospa makincho kawaykarqa kushikuyay. Noqa manami ajayäsu saylata yapay yapay qelqamurpis. Sayno qelqamushqä qamkunapaq alimi kaykan.

Filipenses 3:3

Cuerpunsita mana señalakurpis Espíritu Santu yanapämashqami Tayta Diosta sirviqkunaqa shonqunsicho señalashna kaykansi. Manami leykunata cumplirraqsu salvakunsi, sinöqa Jesucristuman yärakurmi.

Filipenses 4:4

Jesucristupa makincho kawaykarqa imaypis kushikuyay. Yapaymi nï: ¡Kushikuyay!