Joel 1:15 - Tayta Diospa Wilakuynin

¹⁵ ¡Tayta Dios juzganan junaq chaykämunnami! Say junaq chämuptin ¡imanöraq runa nakaykuyälanqa! Say junaqmi lapanpaq munayyuq Tayta Dios saysika runakunata ushakäsinqa.

Joel 1:15 ပူးပေါင်းရင်းမြစ်များ

Salmo 37:13

Sayno kawaptinmi Tayta Dios asikun. Pay musyaykanmi höran chämuptin ushakäsinanpaq kashqanta.

Jeremías 30:7

Say junaqkunanöqa fiyupa mansariypaqqa manami imaypis kashqaraqsu. Say wisanqa Jacobpita miraqkuna seqaypami nakayanqa. Sayno kaptinpis paykunata salvashaqmi.

Jeremías 46:10

Lapanta mandaq Tayta Dios karmi nï: Conträkunata castiganäpaq kaq junaq chämushnami. Kanan junaqmi espädäpis pacha junta mikunqa. Runakunapa yawarninta upushqanwanmi shinkanqa. Saysika runakunata wanusiyashqanmi noqapaq sacrificiu kanqa. Sayno kanqa norti kaqlä nacioncho kaykaq Éufrates mayu nawpanchömi.

Ezequiel 30:3

Say junaq janaykichönami kaykan. Qamkunata castiganäpaq manami aykäpis pishinnasu. Say junaqqa pasapis sakakurkuqnöraqmi kanqa. Lapan nacionkunapis fiyupa mansariywanmi turbatäyanqa.

Joel 2:11

Say atacaqkunapa puntantami Tayta Dios aywanqa. Atacayänanpaq mandaptin maqakuynöraqmi wiyakanqa. Nishqanta ruraqkunaqa yupaytapis mana atipaypaqmi kayanqa. Paykunaqa tishyayparaqmi aywayanqa. Tayta Dios juzganan junaq pasaypa mansariypaqmi kanqa. Sayta manami pipis awantanqasu.

Joel 2:31

31 (3.4) Intipis sakakäkunqami. Killapis yawarmanmi tikranqa. Saykuna kanqa juzganä junaq manaraq chämuptinmi. Say junaqqa seqaypa mansariypaqmi kanqa.

Joel 3:14

14 (4.14) Juzgana Pampachöqa waranqanpa waranqanpami runakuna shuntakash kaykäyan. Paykunata Tayta Dios juzganan junaq chämunqanami.

Abdías 1:15

<

Sofonías 1:7

Tayta Diospa nawpancho lapayki upälakuyay. Juzganan junaq chaykämunnami. Say junaqpaqqa Tayta Diosmi sacrificiuta kamarish. Sacrificiuta mikuyänanpaq qayasishqan runakunapis listunami kaykäyan.

Santiago 5:9

Wawqi panikuna, ama jamuränakuyaysu. Jamuränakuyaptikiqa Jesucristo kutimur juzgayäshunkimi. Runakunata juzgananpaq cercachönami kaykan.

Apocalípsis 6:17

¡Lapan runakunata castigananpaq kaq tiempu chämushnami! ¡Tayta Diospa castïgunta manami pipis awantanqasu!>>