Jeremías 6:26 - Tayta Diospa Wilakuynin

²⁶ Saymi noqa nï: <<¡Marka mayikuna, qachqa mödanakunata jatikurkur uchpacho qoshpayay! ¡Japalan suriki wanuptin waqaqno fiyupa waqayay! ¡Ushakäsimänansipaq shamuqkuna elaqpitami chäyämunqa!>>

Jeremías 6:26 ပူးပေါင်းရင်းမြစ်များ

Génesis 21:16

Yakunaywan wanuqta rikayta mana munarmi karuläman aywaykur jamakuykurqan. Saymi wawan fiyupa waqarqan.

Job 15:21

Espantaypaq kaqkunalatami wiyapakuyan. Kushish kawaykäyaptinmi suwakuna elaqpita yaykur imaykantapis apakuyan.

Job 2:8

Say qarachu seqaypa sheqshiptinmi Jobqa uchpa janancho jamararqan manka pakipawan intëru cuerpunta jichkakushpan.

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Isaías 22:4

Saymi nï: ¡Nawpäpita witikuyay! Marka mayinsikunata wanusiyänanpaq kaptinmi fiyupa waqä. Iksushqäyaq waqaptïpis ama shoqayämaysu.

Isaías 3:24

Say wisanqa perfümiwan mushküyänanpa trukan fiyupami asyäyanqa. Wachkupa trukan waskalami kanqa. Shumaq piltakush kayänanpa trukan qara putumi kayanqa. Sëda mödanakunata jatikuyänanpa trukan lütu mödanatami jatikuyanqa. Qaqlankunapis kuyaylapaq kananpa trukan melanaypaq qeri ushashqami kayanqa.

Isaías 30:13

Sayno kayashpaykimi altunnin perqa elaqpita juchuqno ushakäyanki.

Isaías 32:11

Imaykayuqpis kar jawka kakuq warmikuna, ¡mansarir suksukyäyay! Jatiräyashqaykita loqtirir lütu mödanatana jatikuyay.

Jeremías 12:12

<

Jeremías 13:17

Mana wiyakuyaptikiqa qamkunapaq pakaylapami waqashaq. Tayta Dios kuyashqan runakuna kayaptikipis prësu apakuyäshuptiki lakikushpä fiyupami waqashaq.

Jeremías 14:17

<

Jeremías 15:8

Viüdakunapis lamar kuchuncho aqushakunapitapis mas askaqmi kayanqa. Pulan junaq kaykaptinmi elaqpita maqtakunatapis mamantinta castigashaq. Elaqpitami fiyupa lakikuyman churashaq.

Jeremías 18:22

Asaltantikuna elaqpita yaykuyaptin wayinkunachöpis qaparäyashqan wiyakäsun. Conträ sharkur trampata churapämaqno kayashqanpita paykunatapis trampata churapaykuy.

Jeremías 30:5

<<¡Fiyupa mansariywan qayaräyashqanmi wiyakämunqa! ¡Manami pipis jawkala kawanqanasu!

Jeremías 4:11

Tayta Diosmi nimarqan: <

Jeremías 4:20

Yaparir yaparir desgracia päsamaptinsimi intëru nacionninsi ushakaykan. Posädakunansi toldunsikunatapis wayinsikunatapis elaqpitami ushakäsiyash.

Jeremías 4:8

Sayno päsashunaykipaq kaykaptinqa lakikuyashpayki qachqa mödanakunata jatikuyay. Pasaypa nanäsikur waqayashpayki qaparäyay. Pasaypa rabyashqätaqa manami imanöpapis päsasiyankipaqsu> >>.

Jeremías 6:14

Paykunaqa kuyashqä runakuna däñakush japuy kaykäyaptinpis janalanpa jampiqnölami kaykäyan. Castïgu kananpaq kaykaptinpis niyanmi.

Jeremías 8:19

Marka mayïkunapis maysaycho waqayashpanmi nikäyan Siónta Tayta Dios kachariykushqanta. Saynöpis nikäyan Tayta Dios mandaqnin rey kaykarpis paykunawan manana kaykashqantami. Tayta Diosnami nin: <<¿Imapaqtaq rabyanäsiyämashkanki? Jäpa runakuna adorayashqan manakaq ïdulukunata ¿imanirtaq adoraykäyanki?>>

Jeremías 8:21

Marka mayïkuna sayno lakikuyashqanta rikar noqapis fiyupami lakikü. Turbataywan mansariymi sariman.

Jeremías 9:1

1 (8.23) ¡Imanöparaq weqï yakunöraq kanman! ¡Nawïpis pukyunöraq kanman! Sayno kaptinqa marka mayïkunata wanusiyashqanpita paqasta junaqtami lakikur waqäman.

Jeremías 9:10

10 (9) ¡Jirkakunapaq ataypa atarmi waqashaq! ¡Chakracho qewakunapaqpis waqay waqaytami cantashaq! Chipyaq rupasiyaptinmi say uraypa pipis purinqanasu. Törukuna büyashqanpis manami wiyakanqanasu. Pishqukunapis y jirka uywakunapis qeshpirmi aywakuyanqa.

Lamentaciones 1:16

<>.

Lamentaciones 1:2

Sakaykunapis fiyupa lakikushpayki iksushqaykiyaqmi waqaykanki. Qaqlaykipapis yakunöraqmi weqiki aywaykan. Shoqashunaykipaq kuyanakushlaykipis manami kansu. Lapan yanasaykikunapis kananqa chikiyäshunkinami.

Lamentaciones 2:11

Waqaylawanmi nawïpis sakaykanna. Qasqüpis fiyupami nanaykan. Marka mayïkuna nakaykäyaqta rikar shonqüpis nanayparaqmi lakikun. Chuchuykaq wamrakunapis cällicho mikanaypita wanuykäyaqta rikar pasaypami lakikü.

Lamentaciones 3:16

Rumiwan takaypami kirütapis jorqush. Uchpaman lätakaqpaqmi saqtamash.

Lamentaciones 3:48

Kuyashqä markata sayno ushakäsiyaptinmi weqïpis mayunöraq aywan.

Lamentaciones 4:10

Jerusalénpita yarquyta mana kamäpakur pasaypa malaqäyashpanmi wamrankunatapis mikuyash. Kuyapäkuq warmikunapis wawankunatami yanukuyash.

Lamentaciones 4:3

Chacalkunapis wawankunata kuyarmi chuchuyan. Kuyashqä runakunami isanqa sunyaq jirkacho taq avestruzno wamrankunatapis kuyayansu.

Lamentaciones 4:6

Sodoma runakuna jusalikuyashqanpitapis peormi marka mayïkuna jusalikuyash. Sodoma markaqa pipis mana atacaykaptinmi elaqpita ushakarqan.

Amós 8:10

Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

Jonás 3:6

Jonás wilakushqanta wiyaykurmi Nínivicho mandaq reypis qachqa mödanata jatikuskir uchpaman jamaykur Tayta Diosta manakurqan.

Zacarías 12:10

Davidpita miraqkunata y Jerusaléncho taqkunatami tantiyasishaq kuyapäkuq kayänanpaq y imay hörapis manakayämänanpaq. Tuksiyämashqanta rikarmi waqayanqa. Qechpa surin wanuykuptin waqaqnöraqmi makintapis pakipaylaparaq waqayanqa.

Lucas 7:12

Markaman yaykuykarnami Jesús tinkurqan aska runakuna ayata apaykäyaqwan. Say ayaqa viüdapa juklayla maqta wawanmi karqan.

Santiago 4:9

Jusalikuyashqaykipita seqaypa lakikur waqayay. Asikuyänaykipa trukanqa waqayay. Kushikuyänaykipa trukanqa lakikuyay.

Santiago 5:1

¡Rïcukuna, wiyakayämay! ¡Juiciu finalcho fiyupami nakayanki! ¡Sayno kaptinmi qaparayparaq waqayanki!