Jeremías 52:17 - Tayta Diospa Wilakuynin

¹⁷ Saynöpis pakiykarmi ushayarqan templucho broncipita rurash jatunkaray columnakunata, carrëtakunata y lamar niyashqan jatunkaray lavatoriutapis. Nirkurnami say pakiyashqan broncita Babiloniaman apakuyarqan.

Jeremías 52:17 ပူးပေါင်းရင်းမြစ်များ

1 Reyes 7:50

cöpakuna, mëchapa liptanta jorqunanpaq taksha alicätikuna, tazonkuna, wishlakuna, inciensu qoshnisikuna, Lugar Santïsimuman yaykuna punkupa bisagrankuna y templu punkupa bisagrankunapis. Lapan saykunaqa qoripita rurashqami karqan.

2 Reyes 20:17

Tayta Diosmi nin:

2 Crónicas 36:18

Saypitanami templupita lapan manëjukunata jatuntapis takshatapis apakuyarqan. Saynölami templupita, reypa palaciunpita y reypa mandäsiqninkunapa wayinkunapitapis kuyaylapaq kaqkunata apakuyarqan. Lapan saykunatami Babiloniaman apakuyarqan.

Jeremías 52:20

Apakuyashqan broncita manami pësaytapis atipäyarqansu. Say bronci karqan ishkay columnakunapita, lamar niyashqan jatunkaray lavatoriupita, lavatoriu jamaränanpaq rurasishqan chunka ishkay törukunapita y carrëtakunapita. Saykunata rey Salomónmi Tayta Diospa templunpaq rurasish karqan.

Lamentaciones 1:10

Jerusalénpita imaykatapis alinnin kaqtaqa contrankunami apakuyash. Jäpa runakuna templuman mana yaykuyänanpaq Tayta Dios nikaptinmi lutala yaykuyash.

Ezequiel 40:49

Say cuartupa anchuyninnami chunka metru karqan. Yaykuna punkupita frentincho kaykaq punkuyaq tupuptinmi soqta metru karqan. Chunka grädakunapami sayman wisäyaq. Templuman yaykunachönami ishkay columnakuna waklä kaylä ichiraykäyarqan.

Daniel 1:2

Tayta Diosmi kachaparirqan rey Joacimta Nabucodonosor prësu sarinanpaq y Diospa templuncho kaykaq wakin manëjukunata apakunanpaq. Saykunatami Babiloniaman apaykur diosninkunapa templuncho kaq almacén cuartuman churarqan.