Jeremías 51:40 - Tayta Diospa Wilakuynin

⁴⁰ Camalman pishtayänanpaq uywakunata apayashqannömi Babilonia runakunatapis wanusinäpaq apashaq. Uyshakunata, carnikunata y chïvukunata apayashqannömi apashaq.

Jeremías 51:40 ပူးပေါင်းရင်းမြစ်များ

Salmo 37:20

Yaqa runakunaqa saki qewa rupar ushakashqannömi ushakäyanqa. Tayta Diospa contran runakunaqa qoshtaynömi elaqäyanqa.

Salmo 44:22

22 (23) Munashqaykino kawayaptïmi chikiyämashpan imaypis wanusiyäman. Pishtayänanpaq kaq uyshanömi kaykäyä.

Isaías 34:6

Runakunata ushakäsirmi Tayta Diospa espädan yawarlana y wiralana kanqa. Bosra markacho runakunata wanusirmi Tayta Diospaq sacrificiuta pishtapakuqno kanqa. Tayta Diospa espädan uyshakunapa y chïvukunapa yawarninwan pasaypa pichushqami kanqa. Carnikunapa rurunninpa wiranwan nitishqami kanqa.

Jeremías 48:15

Nacionniki ushakashqami kanqa. Markaykikunapis raqälanami rikakuyanqa. Alinnin maqtakunatapis chipyaqmi wanusiyanqa. Rey karmi sayno nï. Noqapa jutïqa lapanta mandaq Yahwehmi.

Jeremías 50:27

¡Soldädunkunatapis lapanta wanusiyay! Paykunata castiganä junaq chämushnami.

Ezequiel 39:18

Basáncho kaykaq wera carnipa, uyshapa, chïvupa y törukunapa aysanta mikuqno y yawarninta upuqnömi soldädukunapa aysanta mikuyanqa y kay pasacho mandaqkunapa yawarninta upuyanqa.