Jeremías 51:16 - Tayta Diospa Wilakuynin

¹⁶ Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Jeremías 51:16 ပူးပေါင်းရင်းမြစ်များ

Génesis 8:1

Tayta Dios manami qonqarqansu Noéta ni arcacho kaykaq uywakunatapis. Saymi yaku walkänanpaq wayräsimurqan. Say wayrawanmi yaku walkar qalaykurqan.

Job 37:13

Kay pasaman tamyasimurmi bendicionninta churamun. Aläpa tamyasimurqa castiganmi.

Job 38:22

<<¿Qam chashkankiku rashta churaräkunan kaqman? ¿Runtu tamya churarashqanman chashkankiku?

Job 40:9

¿Noqano kalpayuqku kaykanki? ¿Maqakuynöraqku parlashqaykipis wiyakan?

Salmo 104:7

Olqutupaptikimi saparaq yaku jukla aywakurqan. Maqakuynöraq parlaptikimi witikurqan.

Salmo 135:7

Kay pasapa kuchunpitami pukutayta sharkasin. Tamyamunanpaqpis maqakasimunmi. Churaraykäsishqanpitami wayratapis jorqamun.

Salmo 147:18

Tayta Dios niptinmi sururupis sulun. Paymi wayratapis wayräsimun y yakutapis aywasin.

Salmo 18:13

13 (14) Tayta Dios jana pasapita parlamushqanqa maqakuynömi wiyakämurqan. Ciëlupitami poderyuq Diospa vozninpis wiyakämurqan. Runtu tamyawan tillaykaq shansha chawpinpitami parlamurqan.

Salmo 46:6

6 (7) Yanapaptinmi jäpa nación runakuna qaparar suksukyäyan. Parlamuptinmi kay pasapis kuyun.

Salmo 68:33

33 (34) Tayta Diosqa loqashqami jana pasapa purin. Parlamushqanpis maysaymanmi wiyakämun.

Salmo 78:26

Saynölami inti jeqamunan kaqläpita y sur kaqläpita wayrata wayräsimurqan.

Éxodo 10:13

Sayno niptinmi Egiptuman tukrunta Moisés joqarirqan. Saymi inti jeqamunanläpita juk paqas y juk junaq Tayta Dios wayräsimurqan. Say wayrami warayninpaqqa saysika chukluskunata juntäsimurqan.

Éxodo 10:19

Manakuptinmi inti jeqananläpita Tayta Dios fiyupa wayräsimurqan. Say wayra lapan chukluskunata Puka Lamarman apaptinmi intëru Egiptucho karqannasu.

Éxodo 14:21

Moisésnami makinta lamar jananpa joqarirqan. Saymi inti jeqamunan kaqläpita Tayta Dios warati fiyupa wayräsimur lamarta ishkayman rakirqan. Saymi yaku rakikashqan kaq sakina karqan.

Ezequiel 10:5

Querubinkunapa riprankuna sapsapyashqan templupa jatun kaq patiunyaqmi wiyakarqan. Lapanpaq munayyuq Tayta Dios parlashqannöraqmi say sapsapyashqan wiyakarqan.

Amós 9:7

Tayta Diosmi nin: <

Jonás 1:4

Say büquiwan aywaykaptinmi Tayta Dios fiyupa wayräsimurqan. Saymi yaku junaqtaraq fiyupa pulchaqyaptin büquipis pakikänanpaqna kaykarqan.

Jonás 4:8

Saymi inti jeqamuptin shanaq wayrata Jonásman Tayta Dios wayräsimurqan. Intipa shanayninpis fiyupa umanman chaptinmi desmayananpaq kashqanta Jonás yarparqan. Saymi wanuyta munar nirqan: <<¡Kawanäpa trukanqa jina wanukümanpis!>>