Jeremías 5:31 - Tayta Diospa Wilakuynin

³¹ Profëtakunapis lulakuykäyanmi. Cürakunapis shonqunkuna yarpashlantami yachaykäsiyan. Sayno kayaptinpis qamkunataqa manami imapis qokuyäshunkisu. Saypa trukanqa paykuna sayno kanantami munaykäyanki. Ushakäyänayki junaq chämuptin ¿imanöparaq salvakuyanki?>>

Jeremías 5:31 ပူးပေါင်းရင်းမြစ်များ

1 Reyes 22:6

Saymi chusku pachak (400) profëtankunata qayaykasir rey Acab paykunata tapurqan: <> nir. Sayno tapuptinmi niyarqan: <>.

Proverbios 17:4

Yaqa runaqa yaqa mayin yäsishqantami chaskipan. Lula runapis lula mayin nishqantami chaskipan.

Isaías 10:3

Tayta Dios castigayäshushqayki junaq ¡imanöraq kayanki! Ushakäsiyäshunaykipaq karu nacionpita chäyämuptin washäyäshunaykipaq ¡pimanraq qelikäyanki! Riquëzaykikunatapis ¡maymanraq pakayanki!

Isaías 20:6

Say wisanmi lamar kuchunkunacho taq runakuna niyanqa: <¡Maski rikayay! ¡Imanöshi kaykäyan yärakushqansi runakuna! Paykunamanmi yärakurqansi Asiria runakunapita salvamänansipaq. Kananqa ¿piraq salvamäshun?> >>

Isaías 33:14

Sióncho jusayuq runakuna pasaypa mansakashqami kaykäyan. Diosta mana cäsukuqkunami fiyupa mansariyashpan nikäyan: <>

Isaías 43:27

Unay aylluyki Jacobpis jusalikushqami. Yachasishuqnikikunapis manami cäsukayämashsu.

Isaías 47:7

Imayyaqpis reinala kanaykipaq kashqanta yarparmi lutanta ruraykashqaykitapis tantiyakushkankisu. Ushakänaykipaq kaqta manami imaypis yarpashkankisu.

Jeremías 12:4

Say runakuna yarpäyan imata rurayashqantapis mana rikashqaykitami. Sayno yarpäyaptinpis jusalikuyashqanpitami alpapis jachakunapis sakish kaykäyan. Uywakunapis pishqukunapis wanuykäyan. ¡Imayyaqraq sayno kayanqa!

Jeremías 14:14

Saymi Tayta Dios nimarqan: <

Jeremías 26:7

Tayta Diospa wayincho Jeremías sayno nishqantaqa cürakuna, profëtakuna y lapan runakunami wiyayarqan.

Lamentaciones 1:9

Warmipa killa qeshyan aywar träjin jananyaq ushmaptin jamuraypaq kashqannömi Jerusalénpis jusalikushqanpita jamurpaypaq kaykan. Manami ichiklatapis yarpashsu kayno ushakänanpaq kashqanta. ¡Mana criyiypaqmi ushakash! ¡Manami pipis kuyapashsu! Fiyupa lakikurmi nin: <>.

Lamentaciones 2:14

<> nir profëtaykikuna wilayäshushqaykipis manami rasunpaypasu kash. Rasunpa profëta karqa jusalikuyashqaykita wanakuyänaykipaqmi wilayäshunkiman karqan. Jusalikuyta wanakuyaptikiqa manami juk nacionman prësu apayäshunkimansu karqan. Rasun kaqta wilayäshunaykipa trukan manakaqkunatami criyisiyäshushkanki.

Lamentaciones 4:13

Sayno lapanpis kash profëtakuna jusalikuyashqanpita y cürakuna mana alikunata rurayashqanpitami. Saynölami paykunaqa jusaynaq runakunatapis wanusiyash.

Lamentaciones 4:18

Contrapartinsi runakuna watqarämashqami cälliman yarquytapis valurashkansisu. Ushakänansipaq höransi chämuptinmi wanuypis janansichöna kash.

Ezequiel 13:10

<<

Ezequiel 13:6

Paykuna wilakuyashqanqa manami rasunpaypasu kaykan. Paykunaqa manapis kachaykaptïmi wilakuyänanpaq kachashqäta nikäyan. Niyashqanno lapanpis kananpaq kashqantami yarpäyan.

Ezequiel 22:14

Llëvasishqä junaq manami imapaqpis valorniki ni fuerzaykipis kanqasu. Noqa nishqäqa nishqämi kanqa. Saymi nishqäta cumplishaq.

Oseas 4:9

Wakin runakuna jusalikuyashqannölami qamkunapis jusalikuykäyanki. Saymi qamkunatapis wakin runakunatanöla castigayäshayki.

Oseas 6:10

<

Oseas 9:5

Sayno kaptinqa ¡imataraq rurayanki Tayta Diosta adorar fiestata rurayashqayki junaq!

Miqueas 2:11

Wakinkuna lulakurmi niyan: . Sayno nir wilakuptinqa profëtaykikuna kananpaq kushishqami chaskikuykäyanki>>.

Miqueas 2:6

Tayta Dios sayno castigananpaq kashqanta wilakuptïmi runakuna nikäyäman: <

Miqueas 3:11

Autoridäkunapis ashäkuyta apapaqnin kaqlapaqmi favornin sharkuyan. Cürakunapis qellaypaq kashlami yachasiyan. Profëtakunapis qellaypaq kashlami wilakuyan. Sayno kaykarmi niyan: <>.

Sofonías 3:4

Profëtaykikunapis mana respitakuq y engañakuqmi kaykäyan. Cüraykikunapis sagrädu templutami impüruyäsiyan. Tayta Diospa leyninkunatapis manami cumpliyansu.

Deuteronomio 32:20

Saymi nirqan:

Deuteronomio 32:29

Kanan nishqäkunata ojalä tantiyakuyanman. Ushakäyänanpaq kashqanta cuentata qokuyaptin alimi kanman.