Jeremías 5:24 - Tayta Diospa Wilakuynin

²⁴ Shonqulaykikunachöpis manami yarpachakuyankisu noqata mansapakayämänaykipaqqa. Manami tantiyayankisu mikuyniki ali qeshpinanpaq punta kaq tamyata y qepa kaq tamyatapis noqaraq tamyasimushqäta. Saynöpis manami tantiyayankisu mikuynikikunata shuntayänaykipaqpis noqaraq usyäsimushqäta.

Jeremías 5:24 ပူးပေါင်းရင်းမြစ်များ

Génesis 8:22

<>.

1 Reyes 17:1

Profëta Elías karqan Galaad particho Tisbé markapitami. Paymi rey Acabta nirqan: <>.

Job 29:23

Muruy wisan tamyata shuyaraqnömi yachasinäpaq shuyaräyämaq.

Job 38:37

¿Pitaq shumaq tantiyakuq kaykan pukutayta yupananpaq? ¿Pitaq tamyata tamyasimun?

Job 5:10

Paymi tamyata tamyasimur chakrakunata oqusin.

Salmo 147:8

Paymi ciëlutapis pukutaywan saparkun. Paymi tamyatapis tamyasimun. Paymi qewakunatapis jirkakunacho winasimun.

Salmo 65:9

9 (10) Qammi kay pasata makikicho sararaykanki. Mikuykuna wayunanpaqpis qammi tamyasimunki. Trïgu ali wayunanpaqpis qammi yakuta pashtasimunki. Saynömi chakrata kamaripaykäyämanki.

Isaías 64:7

7 (6) Manami pipis manakayämushunkisu ni yärakayämushunkisu. Saymi noqakunapita pakakushkanki. Jusalikuylacho kawayaptïmi kachariykayämashkanki.

Jeremías 10:13

Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Jeremías 2:19

Qamkunaqa mana cäsukamaypa jusalikuyashqaykipitami castïguta chaskiyankipaq. Say hörami tantiyayankipaq noqata qonqaykamar mana mansapakayämashqaykipita desgracia päsayäshushqaykita. Lapanta mandaq Tayta Dios karmi sayno nï.

Jeremías 3:3

Sayno kayashqaykipitami tamya killa wisanpis ni jachakuna tuktunan wisanpis manana tamyamushnasu. <

Jeremías 5:22

Noqa Tayta Diosmi nï: Lamar yaku kuchunpita masta mana püsananpaqmi aqushata churapashkä. Saymi wayrawan mayjina pulchaqyarpis püsansu. Lamarpis cäsukaykämaptinqa ¿imanirtaq qamkunaqa cäsukayämankisu? Castigakuq kashqäta musyaykarqa ¿imanirtaq mansapakamashpayki nawpächo suksukyäyankisu?

Jeremías 50:5

Siónman aywaq nänipami tapukuraykar kutiyämunqa. Kutiyämushpanmi niyanqa: .

Oseas 3:5

Saypitaraqmi Israel runakuna perdonta manakur Tayta Diosta ashiyanqa. Saynölami David ayllu mandaqnin reytapis cäsukuyanqa. Shamuq watakunachömi Tayta Diosta mansapakur bendicionninta kushish chaskikuyanqa.

Oseas 6:1

Tayta Diosman yapay yärakushun. Castigarkamashpansipis kachakäsimäshunmi. Yawarlana astarkamashpansipis jampimäshunmi.

Joel 2:23

Sióncho taqkuna, noqaman yärakayämashpayki kushikuyay. Unaynömi punta kaq tamyata y qepa kaq tamyatapis tiempulancho tamyasimushaq.

Amós 4:7

Saymi mikuykuna poqunanpaq kimsa killa pishiykaptin usyäsimurqä. Wakin markacho tamya kananpaq y wakin markacho usya kananpaqpis noqami kamakäsirqä. Saymi tamya chashqan chakrachöqa mikuykuna ali wayurqan y mana tamyashqan kaqchönami mikuykuna sakikäkuyarqan.

Zacarías 10:1

Mikuy winaykashqan wisan tamyasimunanpaq Tayta Diosta manakuyay. Manakuyaptikiqa elqukasimur alimi tamyasimunqa. Saynöpami chakraykikunacho qewa shumaq winamunqa.

Mateo 5:45

Tayta Diosqa ali runakunapaq y mana ali runakunapaqpis intita jeqasimunmi. Saynölami ali runakunapaq y mana ali runakunapaqpis tamyasimun. Jana pasacho kaykaq Taytayki kuyapäkuq kashqanno qamkunapis kuyapäkuq karqa paypa wamranmi kaykäyanki.

Hechos 14:17

Sayno kachaparirpis pïmaytami tantiyasin rasunpaypa kaq Dios kashqanta y kuyakuq kashqanta. Paymi mikuynikikuna ali wayunanpaq tamyatapis tamyasimun y kushish kawanansipaq mikuytapis kamaripämansi>>.

Deuteronomio 28:12

Mikuynikikuna ali wayunanpaqmi tiempulancho tamyasimunqa. Lapan aruyashqaykikunamanpis bendicionnintami churamunqa. Saynöpami juklä nacionpita imatapis prestakayämunkinasu, saypa trukanqa paykunata prestayänaykipaqpis kanqanami.

Santiago 5:7

Wawqi panikuna, Señor Jesucristo kutimushqanyaq mana ajayaypa shuyakuyay. Chakra aruqkunapis murupakuyänanpaq tamyataraqmi shuyakuyan. Mikuyninkunata shuntayänanpaqpis usyataraqmi shuyakuyan.

Apocalípsis 11:6

Say ishkay wilakuqkunaqa munayyuqmi kayanqa tamyatapis mana tamyasiyämunanpaq, yakutapis yawarman tikrasiyänanpaq y munayashqan höra pestiwan runakunata ushakäsiyänanpaqpis.