Jeremías 49:3 - Tayta Diospa Wilakuynin

³ <<¡Hesbón runakuna, Hai marka ushakashqanpita qaparäyay! ¡Milcom diostami adoraqnin cürakunatawan prësu apakuyanqa! ¡Milcompa jutincho mandaq autoridäkunatapis prësumi apakuyanqa! Rabácho taykaq warmikuna, ¡lütuta jatikurkur waqayay! ¡Löcutaykaqnöraq markaykicho waqar cörrikachäyay!

Jeremías 49:3 ပူးပေါင်းရင်းမြစ်များ

2 Samuel 11:1

Cada watami tamya tiempu päsarkuptin reykuna pelyayänanpaq aywayaq. Say wisanmi capitannin Joabta David kacharqan soldädukunata pushakurkur amonita runakunawan pelyayänanpaq. Chaykurmi amonita runakunapa chakrankunacho mikuykunata y markankunatapis chipyaq ushayarqan. Saynölami Rabá markacho taq runakunata tumaypa sapaskiyarqan. Davidnami Jerusalénlacho quëdakurqan.

1 Reyes 11:33

Saynömi rurashaq Salomón manana cäsukamar Sidón runakuna adorayashqan Astoret diösata, moabita runakuna adorayashqan Quemos diosta y amonita runakuna adorayashqan Moloc diosta adorashqanpita. Payqa manami taytan Davidnösu mandamientükunata, leynïkunata y nishqäkunata cäsukush.

1 Reyes 11:5

Saymi Sidón runakuna adorayashqan Astoret diösata y amonita runakuna adorayashqan melanaypaq Milcom diosta Salomón adorarqan.

2 Reyes 23:13

Jerusalén simpan Olivos löma sur kaqlächo kaykaq altarkunatapis impüruyäsirqanmi. Saykunatami rey Salomón unay rurasirqan Sidón runakuna adorayashqan Astoret diösata adorayänanpaq, moabita runakuna adorayashqan Quemos diosta adorayänanpaq y amonita runakuna adorayashqan Milcom diosta adorayänanpaq.

Esdras 2:28

Bet-el runakuna y Hai runakunami kayarqan ishkay pachak ishkay chunka kimsa (223).

Isaías 13:6

¡Timpuypa timpur waqayay! Lapanpaq munayyuq Tayta Dios castigayäshunaykipaq kaq junaq chaykämunnami. Castigayäshushpayki lapan nacionnikitami ushakäsinqa.

Isaías 14:31

<>.

Isaías 15:2

Sayno kaptinmi Dibón markacho taq runakuna fiyupa lakikuyanqa. Templunman y altarninkunaman aywaykurmi fiyupa lakikur waqayanqa. Nebo y Medeba markakunatapis elaqaskasiyanqami. Chipyaq elaqaskasiyaptinmi moabita runakuna fiyupa lakikur waqayanqa. Sayno lakikurmi aqsantapis shaprantapis rutukuyanqa.

Isaías 16:7

Sayno kayashqanpitami moabita runakuna fiyupa waqayanqa. Kir-haresetcho rurayashqan päsasnin sapay biscöchukunapis ushakaptinmi fiyupa lakikur waqayanqa.

Isaías 23:1

Kaychömi qelqaraykan Tiro markata ima päsananpaq kaqtapis Tayta Dios revelashqan. ¡Jatusaq büqui manijaq runakuna, lakikuyashpayki fiyupa waqayay! ¡Tiro markata ushakäsirmi büquiwan chäyänayki puertukunatapis ushakäsiyanqa! Sayno ushakasiyänanpaqmi Quitim islapita pasa wilakayämunqa.

Isaías 23:6

¡Lamar kuchuncho taqkuna, Tarsisman aywaykur fiyupa waqayay!

Jeremías 4:8

Sayno päsashunaykipaq kaykaptinqa lakikuyashpayki qachqa mödanakunata jatikuyay. Pasaypa nanäsikur waqayashpayki qaparäyay. Pasaypa rabyashqätaqa manami imanöpapis päsasiyankipaqsu> >>.

Jeremías 46:25

Israel runakunata kuyaq y lapanta mandaq Tayta Diosmi nin: <

Jeremías 48:2

Moab nación puëdiq kashqanta mananami pipis parlanqanasu. Contran runakunami wilanakuyanqa Hesbón markacho imatapis mana kachaypa ushakäsiyänanpaq. Madmena markatapis guërrawanmi chipyaq ushakäsiyanqa.

Jeremías 48:20

Tapukuyaptikimi paykuna niyäshunki: <¡Moab nacionninsitami ushakäsiyash! ¡Qayarayparaq waqayay! ¡Arnón mayu wisanpapis aywaykur wilakuyay nacionninsita ushakäsiyashqanta!>

Jeremías 48:37

Lapan runakunami lakikuyashpan aqsankunata qara putuypa rutukuyanqa. Shaprankunatapis chipyaq rutukuyanqa. Makinkunatapis lapanmi kusukuyanqa. Saynölami qachqa mödanatapis jatikuyanqa>>.

Jeremías 48:7

Qamkunaqa soldäduykikunaman y rïcu kayashqaykimanmi atiënikuykäyanki. Sayno kayaptikipis contraykikuna shamurmi vinciyäshunki. Quemos diosnikitapis apakuyanqami. Cürakunata y autoridäkunatapis prësumi apakuyanqa.

Jeremías 49:1

Kaychömi qelqaraykan amonita runakunapaq Tayta Dios nishqan. <

Jeremías 51:8

<<¡Babilonia ushakashnami! ¡Elaqpitami ushakash! ¡Babilonia nacionpaq lapayki waqayay! ¡Däñakushqanta jampiyänanpaq ima jampilatapis ashiyay! Jampiyaptiki capazchir aliyanqapis.

Jeremías 6:26

Saymi noqa nï: <<¡Marka mayikuna, qachqa mödanakunata jatikurkur uchpacho qoshpayay! ¡Japalan suriki wanuptin waqaqno fiyupa waqayay! ¡Ushakäsimänansipaq shamuqkuna elaqpitami chäyämunqa!>>

Amós 1:15

Mandaqnin reytapis mandäsiqninkunatapis juklä nacionmanmi prësu apakuyanqa>>. Tayta Diosmi sayno nin.

Sofonías 1:5

Wayi jananman wisaykur jana pasacho kaykaq qoyllarkunata qonqurpaykur adoraqkunatapis ushakäsishaqmi. Qonqurpaykur adoraykämarpis dios Molocta adoraqkunatapis ushakäsishaqmi.

Santiago 5:1

¡Rïcukuna, wiyakayämay! ¡Juiciu finalcho fiyupami nakayanki! ¡Sayno kaptinmi qaparayparaq waqayanki!

Josué 7:2

Jericó markapitami runakunata Josué kacharqan Hai markata rikapakayämunanpaq. Hai markaqa Bet-elpita inti jeqamunan kaqläpa y Bet-avén marka cercanchömi karqan. Saymi paykuna aywar Hai markata rikapakayämurqan.

Josué 8:1

Saypitanami Josuéta Tayta Dios nirqan: <

Josué 8:28

Hai markata Josué rupasishqanpita pasami kananyaqpis raqäkunala kaykäyan.