Jeremías 48:44 - Tayta Diospa Wilakuynin

⁴⁴ Mansariypita qeshpiq kaqqa uchkumanmi jeqanqa. Uchkupita yarquq kaqtanami toqla sarinqa. Say wisanmi moabita runakunata castigashaq. Noqa Tayta Diosmi sayno nï.

Jeremías 48:44 ပူးပေါင်းရင်းမြစ်များ

1 Reyes 19:17

<

1 Reyes 20:30

Sayno wanusiyaptinmi wakin kaq soldädukuna qeshpir Afec markaman aywakuyarqan. Saycho kaykäyaptinmi markapa murällan juchur ishkay chunka qanchis waranqa (27,000) Siria soldädukunata wanusirqan. Ben-adadpis say markaman qeshpirmi wayin wayin pakakur purirqan.

Isaías 10:3

Tayta Dios castigayäshushqayki junaq ¡imanöraq kayanki! Ushakäsiyäshunaykipaq karu nacionpita chäyämuptin washäyäshunaykipaq ¡pimanraq qelikäyanki! Riquëzaykikunatapis ¡maymanraq pakayanki!

Isaías 24:17

Kay pasacho taqkuna pasaypami mansariyanqa. Uchkuman y trampaman jeqashnömi kayanqa.

Isaías 24:18

Löcu tamyami fiyupa tamyamunqa. Kay pasata tuknarämuqkunapis pasaypami suksukyäyanqa. Mansariypaq kaptinmi qeshpiq kaqqa uchkuman jeqanqa. Uchkupita yarquq kaqnami toqlaman ishkinqa.

Jeremías 10:15

Manakaqlapaqmi kaykäyan. Tayta Dios castiganan junaqmi say ïdulukuna ushakäyanqa.

Jeremías 11:23

Anatot runakunata juzganä junaq chämunqanami. Paykunata castigaptï manami ni juklaylapis quëdayanqasu>>.

Jeremías 16:16

Tayta Diosmi nin: <

Jeremías 23:12

Jusalikuyashqanpitami paykunata castigashaq. Sakaycho luska nänipa puriqnömi kayanqa. Tanqariykuyaptin pasaypa kuchpakaqnömi kayanqa. Noqa Tayta Diosmi sayno nï.

Jeremías 46:21

Egipto runakuna minkakuyashqan soldädukunapis wera becërrunömi kaykäyan. Paykunapis upakurupita qeshpiqnömi pelyapita qeshpiyanqa. Egipto runakunata castigar ushakäsinäpaq kaq junaq chaykämunnami.

Jeremías 49:8

<<¡Dedán marka runakuna, qeshpikuyay! ¡Uchkukunamanpis pakakuyay! Esaúpita miraq runakuna täyashqan nacionta ushakäsishaqmi. Paykunata castiganäpaq kaq junaq chämushnami.

Jeremías 50:24

<

Jeremías 50:27

¡Soldädunkunatapis lapanta wanusiyay! Paykunata castiganä junaq chämushnami.

Jeremías 51:18

Say ïdulukunaqa asipaypaqmi kaykäyan. Tayta Dios castiganan junaqmi say ïdulukuna ushakäyanqa.

Jeremías 8:12

Melanaypaq jusalikurpis manami ni ima nilarpis penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï.

Lamentaciones 3:47

Mutiypa mutir wanusiyämaptin y imaykäkunatapis ushakäsiyaptinmi mansakashla kawaykäyä.

Oseas 9:7

Israel runakunata Tayta Dios castigananpaq kaq junaqkuna chämushnami. Jusaykikunaman tupumi juzgashunki. Pasaypa nakarraqmi Tayta Dios castigashushqaykita tantiyayanki. Qamkuna nikäyanki profëtakuna mana tantiyakuq kayashqantami. Saynöpis nikäyanki Tayta Diospa wilakuqninkuna löcu kayashqantami. Sayno nikäyanki pasaypa jusasapa y chiki kayashpaykimi.

Amós 5:19

Say junaq kanqa leonpita qeshpir ukumaryawan tinkuqnömi. Saynöpis kanqa wayinman yaykur tuknakuptin perqa uchkupita makinta culebra picamuqnömi.

Miqueas 7:4

Paykunachöqa mas respitash runapis kashanöraqmi kaykan. Mas yärakuypaq runapis wallankanöraqmi kaykan. Sayno kayaptinmi jusankuna aypaykämunna. Wilakuq profëtakuna wilakuyashqannölami castigash kayänanpaq kaq junaq chaykämunna. Say wisan imata rurayänanpaqpis manami kamäpakuyanqasu.