Jeremías 48:41 - Tayta Diospa Wilakuynin

⁴¹ Moabita runakunapa markankunata y amparakuyänan wayinkunatapis ushakäsiyanqami. Say junaqmi moabita soldädukuna pasaypa mansariyanqa. Qeshyaq warmi nanay sariptin mansariqnömi mansariyanqa.

Jeremías 48:41 ပူးပေါင်းရင်းမြစ်များ

Isaías 13:8

Fiyupa mansariylawanmi suksukyäyanqa. Wachay nanaywan nakaq warminömi fiyupa mansarir qequykachäyanqa. Jukninpis jukninpis mansakashqami rikapänakuyanqa. Penqakuylawanmi qaqlankunapis pukayanqaraq.

Isaías 21:3

Babilonia nacionta Tayta Dios ushakäsinanpaq kashqanta musyaptïmi shonqüyaqraq nanaypis chaykun. Wachay nanaywan lakikuq warmitanöraqmi lakikuypis sariykaman. Revelacioncho wiyashqä y rikashqä fiyupami mansarïsiman.

Jeremías 30:6

¿Olqu runa wachanmankush? Sayno kaptinpis wachay nanaywan warmi seqlan sarish unchuykachashqannömi paykunapis unchuykachäyanqa. Lapanpis pasaypa almatakashqami rikakuyanqa.

Jeremías 4:31

< >>

Jeremías 4:9

Tayta Diosmi nin: <>.

Jeremías 48:24

Queriot, Bosra y Moabcho kaykaq lapan markakuna. Karucho o cercacho kaqtapis lapantami desgracia päsanqa>>.

Jeremías 49:22

Edompa contrankunami Bosra markaman yaykuyanqa. Imayka anka luylukarkur chipshaman aywaqnöraqmi yaykuyanqa. Edompa soldädunkunapis say junaqqa wachay nanaywan warmi suksukyaqnöraqmi suksukyäyanqa>>.

Jeremías 49:24

<

Jeremías 50:37

¡Cawallunkunatapis carrëtankunatapis guërracho ushakäsiyäsun! ¡Babiloniata yanapaq juklä soldädukunapis warmino manshallïshu rikakuyäsun! ¡Babilonia runakunapa imaykantapis atacaqkuna apakuyäsun!

Jeremías 50:43

Sayta mayaykurmi Babilonia nacionpa mandaqnin rey mansariylawan chiyakäkunqa. Qeshyaq warmita nanay sariqnömi pasaypa lakikuy sarinqa.

Jeremías 51:30

Babilonia soldädukuna mananami pelyayta valurayanqanasu. Murallash markankunalachömi pakaraykäyanqa. Kalpankunapis pasaypami ushakanqa. Warmi japuymi pasaypa mansakash rikakuyanqa. Marka murällapa punkunkunata pakirmi contrankuna yaykuyanqa. Yaykurmi wayikunatapis rupasir ushayanqa.

Jeremías 6:24

Saymi Jerusalén runakuna niyanqa: <

Amós 2:2

Saymi imaykatapis nina rupar ushashqanno Moab nacionta y Queriotcho palaciukunatapis ushakäsishaq. Pelyacho qapararraq cornëtanta tukaykäyaptinmi moabita runakunata soldädukuna wanusir ushakäsiyanqa.

1 Tesalonicenses 5:3

Imapis mana päsananpaq kashqanta runakuna niyaptinpis warmita qeshyakuy nanay elaqpita sarishqannömi Tayta Diospa castïgun elaqpita chämunqa. Say castïgupita manami pipis qeshpinqasu.