Jeremías 48:36 - Tayta Diospa Wilakuynin

³⁶ Sayno kaptinmi pampakuycho këna waqaqnöraq lapan shonqüwan moabita runakunapaq waqashaq. Riquëzankuna ushakaptinmi Kir-hares markacho taq runakunapaqpis waqashaq.

Jeremías 48:36 ပူးပေါင်းရင်းမြစ်များ

2 Reyes 3:25

Nirkurmi jatusaq markakunata juchusir ushayarqan, chakrakunamanpis shalata ranrayarqan, pukyukunatapis pampasar ushayarqan y früta jachakunatapis mutur ushayarqan. Kir-hareset markalatami juchusiyarqansu. Mana juchusirpis pelyaqkuna jiruruypa sapaykurmi warakawan atacayarqan.

Proverbios 11:4

Tayta Dios juzganan junaqqa rïcu kashqanpis manami välinqasu. Alita ruraq runaqa salvakunqami.

Proverbios 13:22

Ali runapa herencianqa hasta wilkankunapaqpis kanqami. Yaqa runapa herencianmi isanqa ali runakunapa makinman chanqa.

Proverbios 18:11

Rïcu runaqa riquëzankunaman atiënikurmi yarpan murallash markano següru kashqanta. Saymi imapis mana päsananpaq kashqanta yarpan.

Isaías 15:5

Moabita runakuna sayno nakayänanpaq kaptin shonqü fiyupami lakinan. Paykuna Zoaryaq y Eglat-selesiyáyaqmi qeshpir aywakuyanqa. Luhitman wisänan cuestapami waqaraykar wisäyanqa. Horonaimman aywaq nänipa aywayashpanmi fiyupa waqayanqa.

Isaías 15:7

Saymi runakuna imayka shuntayashqantapis Sauci Raqra washaqanman apayanqa.

Isaías 16:11

Saymi Moab nacionpaq y Kir-hareset markapaq lakikü. Arpapa cuerdannöraqmi shonqüpis fiyupa lakikur suksukyan.

Isaías 63:15

Tayta Dios, chipipiykaq sagrädu jana pasacho taykashqaykipita rikaykälamuy. Selläma kuyakuq y munayyuq kaykar ¿imanirtaq yanapäyämankinasu? ¿Imanirtaq shonquykipis chukruyäkurish? Kuyapäkuq kayniki ¿ushakaskishnaku? ¿Pasaypaku qonqaykayämashkanki?

Jeremías 17:11

Sakyapakuypa rïcuyaq runaqa jukpa runtunta oqlaq sakwanömi kaykan. Riquëzankuna elaqpita ushakaptin pasaypa pobrimi rikakunqa>>.

Jeremías 4:19

¡Ay shonqulaw shonqu! ¡Lakikuptï shonqü sapakayparaqmi nanaykun! ¡Manami upälakuytapis kamäpaküsu! Pelyapaq cornëta waqamuqtami wiyashkä. Soldädukuna shamur büllata ruraykäyaqtami wiyashkä.

Jeremías 48:31

Saymi Moab nacionnikipaq pasaypa waqashaq. Kir-hares markacho taq runakunapaqpis lakikushaqmi.