Jeremías 48:3 - Tayta Diospa Wilakuynin

³ Saymi runakuna qayarar niyanqa: <¡Lapan markatami ushakäsiyash!> Sayno qayaräyashqanmi Horonaim markapita pasa wiyakämunqa.

Jeremías 48:3 ပူးပေါင်းရင်းမြစ်များ

Isaías 15:2

Sayno kaptinmi Dibón markacho taq runakuna fiyupa lakikuyanqa. Templunman y altarninkunaman aywaykurmi fiyupa lakikur waqayanqa. Nebo y Medeba markakunatapis elaqaskasiyanqami. Chipyaq elaqaskasiyaptinmi moabita runakuna fiyupa lakikur waqayanqa. Sayno lakikurmi aqsantapis shaprantapis rutukuyanqa.

Isaías 15:5

Moabita runakuna sayno nakayänanpaq kaptin shonqü fiyupami lakinan. Paykuna Zoaryaq y Eglat-selesiyáyaqmi qeshpir aywakuyanqa. Luhitman wisänan cuestapami waqaraykar wisäyanqa. Horonaimman aywaq nänipa aywayashpanmi fiyupa waqayanqa.

Isaías 15:8

Timpuypa timpur waqayashqanqa intëru Moab nacionpami wiyakanqa. Eglaimyaq y Beer-elimyaqmi wiyakanqa.

Isaías 22:4

Saymi nï: ¡Nawpäpita witikuyay! Marka mayinsikunata wanusiyänanpaq kaptinmi fiyupa waqä. Iksushqäyaq waqaptïpis ama shoqayämaysu.

Jeremías 20:16

Say wilaq runaqa kasun Tayta Dios mana kuyapaypa ushakäsishqan markakunano. Tutapapis wiyasun nanaywan qaparaykäyaqta. Pulan junaqpapis wiyasun guërracho qaparaykäyaqta.

Jeremías 47:2

<

Jeremías 48:34

Hesbón markacho waqayashqanqa Eleale markayaq y Jahaza markayaqmi wiyakanqa. Nimrimcho yaku sakiptinmi Zoar markachöpis qaparayparaq waqayanqa. Say waqayashqanqa Horonaim markayaq y Eglat-selesiyá markayaqmi wiyakanqa>>.

Jeremías 48:4

<

Jeremías 48:5

Luhit cuestapapis waqaraykarmi wisäyanqa. Horonaim bajädachöpis fiyupa lakikur waqayashqanmi wiyakanqa.

Jeremías 51:54

<