Jeremías 43:5 - Tayta Diospa Wilakuynin

⁵ Wiyakuyänanpa trukanqa Johanán y capitankunami Judácho taykaq runakunata pushakurkur Egiptupa aywakuyarqan. Say pushayashqan runakunaqa maysay nacionman qeshpiyashqanpita sayraq Judáman kutimuq runakunami kayarqan.

Jeremías 43:5 ပူးပေါင်းရင်းမြစ်များ

2 Reyes 25:22

Saypitanami rey Nabucodonosorqa Judácho quëdaq runakunapa gobernadornin kananpaq Gedalíasta churarqan. Gedalíaspa taytanmi karqan Ahicam y awilunnami karqan Safán.

Jeremías 40:10

Noqaqa kay Mizpachömi täshaq Babilonia autoridäkuna shayämuptin qamkunapa favorniki parlanäpaq. Qamkunaqa maychöpis täyashqaykicho üvata, hïgusta, dätilta y olïvupita rurash aceitita wayikikunaman askata shuntayanki>>.

Jeremías 41:10

Nirkurnami Ismael prësu sarirqan reypa warmi surinkunata y Mizpacho quëdaq wakin runakunatapis. Say runakunataqa wardiakunapa capitannin Nabuzaradánmi Gedalíaspa makincho kachash karqan. Paykunata prësu apakurkurmi Amón nacionman Ismael aywakurqan.

Jeremías 41:17

Belénpa nawpancho kaykaq Gerut-quimamman pusharqan. Saychömi posädakuyarqan saylapitana Egiptupa aywakuyta yarpar.

1 Samuel 26:19

Kanan nishqäta wiyaykalämay, taytay. Conträ kanaykipaq Tayta Dios yarpayta qoshuptikiqa sacrificiuta altarcho paypaqmi rupasishaq. Conträ kanaykipaq runakunala shimita jatipäyäshuptikiqa Tayta Dios paykunata maldicionasun. Paykunami jusayuq kaykäyan Tayta Dios qomashqansi nacionpita qarqush kar jäpa markakunapa purinäpaq. Say runakuna munaykäyan say markakunacho adorayashqan mana reqishqansi dioskunata adoranätami.