Jeremías 41:5 - Tayta Diospa Wilakuynin

⁵ Siquempita, Silupita y Samariapita puwaq chunka (80) runakuna chäyämurqan. Jerusalén markata ushakäsiyashqanpita pasaypa lakikurmi paykuna kaykäyarqan shaprankunata rutukush, mödanankuna rachish y qarankunatapis pishtaypa pishtar ushash. Paykunami apayämurqan saki mikuy ofrendakunata y inciensuta Tayta Diospa templunman churayänanpaq.

Jeremías 41:5 ပူးပေါင်းရင်းမြစ်များ

Génesis 33:18

Saynöpami Padan-arampita kutimur Canaánman jawkala chäyarqan. Siquem marka wak simpanman chaykurmi posädakuyarqan.

Génesis 34:2

Heveo runa Hamorpa surinmi Siquem karqan. Hamor karqan saycho taq runakunapa autoridäninmi. Siquemqa Dinata rikaykur pasaypa munapashpanmi fuerzarqan.

Génesis 37:12

Juk kutimi Josépa wawqinkuna Siquem partiman aywayarqan papäninpa uyshankunata y cabrankunata misiyänanpaq.

2 Samuel 10:4

Sayno niyaptinmi Hanúnqa David kachashqan runakunata prësu sariykasir shapranta jukaq qaqlanpita ruturqan. Nirkurnami siki patanläpa mödananta rutuparir qarqurirqan.

1 Reyes 12:1

Roboamta rey kananpaq churayänanpaqmi lapan Israel runakuna Siquem markaman shuntakäyarqan. Saymanmi Roboampis aywarqan.

1 Reyes 12:25

Saypitanami Jeroboamqa Efraín jalqakunacho kaykaq Siquem markata alsarkasir saycho tarqan. Nirkurnami alsasirqan Penuel markatapis.

1 Reyes 16:24

Saypita juk markata sharkasinanpaqmi Samaria lömata Semer runapita Omri rantirqan. Say lömapa chanintami pägarqan soqta chunka soqta (66) kïlu qellayta. Saycho markata sharkarkasirmi jiruruypa corralasirqan. Lömapa punta kaq duëñunpa jutin Semer kaptinmi say markata jutisirqan Samaria kananpaq.

1 Reyes 16:29

Judá nacioncho kimsa chunka puwaq (38) wata Asa rey kaykaptinmi Israel nacioncho Omripa surin Acab rey kayman yaykurqan. Paymi Israel runakunata Samaria markapita mandarqan ishkay chunka ishkay (22) wata.

2 Reyes 25:9

Jerusalénchömi Tayta Diospa templunta, reypa palaciunta, lapan wayikunata y autoridäkunapa despächunkunatapis rupasir ushayarqan.

1 Crónicas 19:4

Sayno niyaptinmi Hanúnqa David kachashqan runakunata prësu sariykasir shapranta ruturqan. Nirkurnami siki patanläpa mödananta rutuparir qarqurirqan.

Salmo 102:14

14 (15) Sirvishuqnikikunaqa saycho kaq rumikunatapis kuyayanmi. Raqälana kaykaqta rikarmi selläma lakikuyan.

Salmo 78:60

Kay pasacho täkunan tolduntapis kachariykurqanmi. Silo markacho kaykaq tolduncho mananami tarqannasu.

Isaías 15:2

Sayno kaptinmi Dibón markacho taq runakuna fiyupa lakikuyanqa. Templunman y altarninkunaman aywaykurmi fiyupa lakikur waqayanqa. Nebo y Medeba markakunatapis elaqaskasiyanqami. Chipyaq elaqaskasiyaptinmi moabita runakuna fiyupa lakikur waqayanqa. Sayno lakikurmi aqsantapis shaprantapis rutukuyanqa.

Jeremías 16:6

Kay nación runakunata castigashqäwan rïcupis pobripis wanuyaptin manami pipis kanqasu pampananpaq ni waqananpaqpis. Manami lakikuywan aqsanta rutukunanpaq ni qaranta pishtaypa pishtar kusukunanpaq pipis kanqasu.

Jeremías 41:4

Gedalíasta wanusiyashqanta manaraq musyarmi waraynin junaq

Jeremías 47:5

Gaza markacho taq runakuna fiyupa lakikuyashpanmi aqsankunatapis rutukuyanqa. Ascalón markacho taq runakunapis upatakäyanqami. Saycho taqkuna wanuqkunapaq lakikurmi qarankunatapis kusukuyanqa.

Jeremías 48:37

Lapan runakunami lakikuyashpan aqsankunata qara putuypa rutukuyanqa. Shaprankunatapis chipyaq rutukuyanqa. Makinkunatapis lapanmi kusukuyanqa. Saynölami qachqa mödanatapis jatikuyanqa>>.

Jeremías 7:12

<<

Jeremías 7:14

Silo markata ushakäsishqäno kay yärakuyashqayki templutapis ushakäsishaq. Sayno ushakäsishaq kaycho adorayämänaykipaq qamkunata y unay aylluykikunata qoykush kaykarpis.

Joel 2:13

Jusalikuyashqaykipita pësakur mödanaykikunata rachiyänaykipa trukanqa jusaykikunata kachariyay. Lapan shonquykikunawan kuyashuqniki Tayta Diosninsi munashqanno kawayay. Payqa kuyapäkuq y perdonakuqmi kaykan. Imapitapis juklaqa manami rabyakunsu. Perdonayäshushpaykiqa manami castigayäshunkinasu.

Deuteronomio 14:1

<

Josué 18:1

Canaánta munayninman churarkurnami Tinkuna Tolduta ichisiyänanpaq lapan Israel runakuna Silucho shuntakäyarqan.

Josué 24:32

Israel runakunami Josépa tulunkunata Egiptupita apayämushqanta Siquem markaman apaykur chakranman pampayarqan. Say chakrataqa Josépa papänin Jacobmi rantirqan pachak (100) qellaywan Hamorpa surinkunapita. Hamorqa Siquempa taytanmi karqan. Say chakratami Josépa surinkunapita miraqkunapa herencian kananpaq qoykurqan.

Jueces 18:31

Tinkuna Toldu Siluchöraq kashqan wisanmi Dan trïbu runakuna Micaíapa ïdulunta adorayarqan.

Jueces 9:1

Juk junaqmi Jerobaalpa surin Abimelec aywarqan Siquem markaman tiyunkunawan y ayllunkunawan parlaq. Chaykurmi paykunata nirqan:

1 Samuel 1:7

Wata wata Tayta Diospa wayinman aywayaptinmi Anata sayno rabyanäsiq. Saymi Ana lakikur waqashpan mikuytapis munaqsu.