Jeremías 4:8 - Tayta Diospa Wilakuynin

⁸ Sayno päsashunaykipaq kaykaptinqa lakikuyashpayki qachqa mödanakunata jatikuyay. Pasaypa nanäsikur waqayashpayki qaparäyay. Pasaypa rabyashqätaqa manami imanöpapis päsasiyankipaqsu> >>.

Jeremías 4:8 ပူးပေါင်းရင်းမြစ်များ

Salmo 78:49

Tayta Diosmi rabyashpan Egipto runakunata sayno castigarqan. Wanusikuq angilkunatami paykunaman kacharqan.

Isaías 10:4

Ima ruraytapis mana kamäpakuykaqtami wakinnikita prësu sariyäshunki y wakinnikitami wanusiyäshunki. Tayta Dios sayno castigayäshushpaykipis jinalami rabyash kaykanqa. Yapay castigayäshunaykipaqpis kamarikushlami kaykan.

Isaías 13:6

¡Timpuypa timpur waqayay! Lapanpaq munayyuq Tayta Dios castigayäshunaykipaq kaq junaq chaykämunnami. Castigayäshushpayki lapan nacionnikitami ushakäsinqa.

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Isaías 32:11

Imaykayuqpis kar jawka kakuq warmikuna, ¡mansarir suksukyäyay! Jatiräyashqaykita loqtirir lütu mödanatana jatikuyay.

Isaías 5:25

Tayta Dios fiyupa rabyashqami kaykan. Kuyashqan runakuna kaptinsipis astamänansipaq kamarikushnami kaykan. Sayta musyarmi jirkakunapis pasaypa suksukyäyan. Wanusishqan runakunatapis cällikunamanmi jitariyanqa. Castigamaptinsipis rabyanaynin manami päsanqasu. Kashlanmi castigamänansipaq rikaraykämansi.

Isaías 9:12

12 (11) Inti jeqamunanpitami Siria runakunatapis kachamunqa. Inti jeqanan kaqläpitanami filisteo runakunatapis kachamunqa. Paykunami Israel runakunata juk amuy mikukurkuqnöla ushakäsiyanqa. Tayta Dios sayno castigarpis jinalami rabyash kanqa. Yapay castigananpaqpis kamarikushlami kaykan.

Isaías 9:17

17 (16) Lapan runakunapis mana yärakunala, mana alita ruraqla y manakaqkunata parlaqlami kaykäyan. Saymi maqtakunatapis, waksakunatapis y viüdakunatapis mana kuyapaypa Tayta Dios castiganqa. Paykunata sayno castigarpis jinalami rabyash kanqa. Yapay castigananpaqpis kamarikushlami kaykan.

Isaías 9:21

21 (20) Manasés runakunawan Efraín runakuna pelyayanqami. Ishkan shuntakaykurnami Judá runakunawanpis guërrata rurayanqa. Sayno pelyayanqa Tayta Dios paykunata castigar kamakäsiptinmi. Sayno castigarpis jinalami rabyash kanqa. Yapay castigananpaqpis kamarikushlami kaykan.

Jeremías 25:34

<< <¡Reykuna, mansarir qaparäyay! ¡Autoridäkuna, lakikuyashpayki pampacho qoshpayay! ¡Hörayki chämushnami werannin uyshatano wanusiyäshunaykipaq!

Jeremías 30:24

Rabyashqanqa manami päsanqasu lapan yarpashqankunata manaraq rurayta ushaptinqa. Tiempu päsarkuptinmi saytaqa tantiyakuyanki.

Jeremías 48:20

Tapukuyaptikimi paykuna niyäshunki: <¡Moab nacionninsitami ushakäsiyash! ¡Qayarayparaq waqayay! ¡Arnón mayu wisanpapis aywaykur wilakuyay nacionninsita ushakäsiyashqanta!>

Jeremías 6:26

Saymi noqa nï: <<¡Marka mayikuna, qachqa mödanakunata jatikurkur uchpacho qoshpayay! ¡Japalan suriki wanuptin waqaqno fiyupa waqayay! ¡Ushakäsimänansipaq shamuqkuna elaqpitami chäyämunqa!>>

Lamentaciones 1:12

Jerusalén markami nin: <

Ezequiel 21:12

12 (17) <<

Ezequiel 30:2

<

Joel 1:13

Tayta Diosta altarcho sirviq cürakuna, qachqa mödanata jatikurkur waqayay. Saki mikuypis ni vïnupis Tayta Diosninsipa wayinman apayämunanpaq mananami kannasu.

Amós 8:10

Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

Miqueas 1:16

Jerusaléncho taq runakuna, kuyayashqayki surikikunatami karu nacionman apakuyanqa. Sayno kananpaq kashqanpita lakikuyashpayki qara putuypa rutukuyay. Wiskurno kayänaykipaq qara putuypa rutukuyay.

Números 25:4

Moisésta nirqan: <>.