Jeremías 4:26 - Tayta Diospa Wilakuynin

²⁶ Saynölami rikashkä ali wayuq chakrakunachöpis polvulana tumaykaqta. Lapan markakunatapis sunyaraykaqlatami rikashkä. Tayta Dios fiyupa rabyakurmi lapantapis sayno ushakäsish.

Jeremías 4:26 ပူးပေါင်းရင်းမြစ်များ

Salmo 107:34

Runakuna jusalikuyaptinmi ali chakrakunatapis qachpayäsin.

Salmo 76:7

7 (8) ¡Qamqa pasaypa mansariypaqmi kaykanki! Rabyakuptikiqa ¿piraq nawpaykicho kaykanman?

Jeremías 12:13

Say wisanmi kuyashqä runakunapa trïgu chakrankunapis purunyaptin kashala winanqa. Sayjina aruyashqanpis manakaqlapaqmi kanqa. Fiyupa rabyar sayno castigaptïmi pasaypa penqakuyanqa>>.

Jeremías 12:4

Say runakuna yarpäyan imata rurayashqantapis mana rikashqaykitami. Sayno yarpäyaptinpis jusalikuyashqanpitami alpapis jachakunapis sakish kaykäyan. Uywakunapis pishqukunapis wanuykäyan. ¡Imayyaqraq sayno kayanqa!

Jeremías 25:11

Kay nación kuchu kuchu ushakarmi raqälana rikakunqa. Kawaykar quëdaqkunaqa qanchis chunka (70) watantinmi Babilonia nacionpa mandaqnin reypa munaynincho kayanqa.

Jeremías 7:34

<>.

Jeremías 9:10

10 (9) ¡Jirkakunapaq ataypa atarmi waqashaq! ¡Chakracho qewakunapaqpis waqay waqaytami cantashaq! Chipyaq rupasiyaptinmi say uraypa pipis purinqanasu. Törukuna büyashqanpis manami wiyakanqanasu. Pishqukunapis y jirka uywakunapis qeshpirmi aywakuyanqa.

Lamentaciones 2:7

Altarnintawan templuntapis Tayta Dios manami rikaytapis munannasu. Marka murällakunatapis juchusiyänanpaq chikiqninkunapa munayninmanmi kachaykush. Saymi Tayta Diospa templunman yaykur fiestata ruraqnöraq shakuypa shakur qayaräyash.

Levítico 26:31

Markaykikunatapis raqälatanami kachaykushaq. Altarnikikunatapis juchusirmi ushakäsishaq. Sacrificiuta rupasiyaptikipis manami chaskiyäshaykisu.

Miqueas 3:12

Sayno kayashqaykipitami Sión löma imayka barbichash chakrano quëdanqa. Jerusalén markata ushakäsiptinmi raqälana quëdanqa. Templutapis juchusiyaptinmi jachakunalana saycho winanqa.

Sofonías 1:18

Tayta Dios juzganan junaqqa manami qellayninkunapis ni qorinkunapis runakunata salvanqasu. Paymi fiyupa rabyashpan kay nacionta chipyaq ushakäsinqa. Elaqpitami kay nacioncho taqkunata lapanta ushakäsinqa.