Jeremías 4:24 - Tayta Diospa Wilakuynin

²⁴ Jirkakunatapis suksukyaykaqtami rikashkä. Lömakunatapis sinigano suksuykaqtami rikayashkä.

Jeremías 4:24 ပူးပေါင်းရင်းမြစ်များ

1 Reyes 19:11

Sayno niptinmi Tayta Dios nirqan: <>. Sayno nirkushpanmi Tayta Dios saypa päsarqan. Say hörami jirkakunata shilikäsir y rumikunatapis aqullurraq shukukuy wayra päsarqan. Sayno kaptinpis Tayta Dios manami say wayracho karqansu. Shukukuy wayra päsariptinnami mansariypaq temblor karqan. Say temblorchöpis Tayta Dios manami karqansu.

Salmo 18:7

7 (8) Pasapis fiyupami kuyurqan. Jirkakunapa cimientunpis suksukyäyarqanmi. Tayta Dios rabyakuptinmi lapanpis marmaryäyarqan.

Salmo 77:18

18 (19) Löcu wayra rurinchömi maqakuyniki pashtashqanpis wiyakämurqan. Elqukuynikipa asikyayninwanmi pasapis rikakarqan. Temblorwanmi pasapis fiyupa kuyurqan.

Salmo 97:4

Elqukuyninpis intëru kay pasatami asikyapan. Sayta rikarmi kay pasa fiyupa suksukyan.

Éxodo 19:18

Sinaí jirkaman nina chawpincho Tayta Dios urämush kaptinmi imayka jornupita sharkuqnöraq yanawyaykaq qoshtay sharkuykarqan. Jirkakunapis fiyupami suksukyarqan.

Isaías 13:13

Say höraqa jana pasapis suksukyanqami. Kay pasapis juklämanmi witikunqa. Fiyupa rabyar castigashqä junaqmi sayno kanqa.

Isaías 24:20

Machash runa sankapaykachaykaqnömi rikakunqa. Sukla ushakashqannölami ushakanqa. Runakuna jusalikuyashqanqa kay pasata fiyupami lasaykan. Saymi lasaq qepiwan sharkuyta mana puëdiq runanöla kay pasapis lasäsikunqa.

Isaías 5:25

Tayta Dios fiyupa rabyashqami kaykan. Kuyashqan runakuna kaptinsipis astamänansipaq kamarikushnami kaykan. Sayta musyarmi jirkakunapis pasaypa suksukyäyan. Wanusishqan runakunatapis cällikunamanmi jitariyanqa. Castigamaptinsipis rabyanaynin manami päsanqasu. Kashlanmi castigamänansipaq rikaraykämansi.

Jeremías 10:10

Rasunpa kaq Diosqa Tayta Dioslami kaykan. Paymi imayyaqpis kawaq Dios kar imaypis rey kaykan. Pay rabyanaptinqa kay pasapis suksukyanmi. Pay castigaptinqa manami may nacionpis awantansu.

Jeremías 8:16

Contransikuna shamuptin cawallunkunapa jämayninpis Dan markapita pasami wiyakaykämun. Cawallunkuna wijijiptin lapan jirkami suksuykan. Contransikuna shamuykäyan nacionninsita ushakäsiyänanpaqmi. Markakunata juchusiyashpan saycho taqkunatapis lapantami wanusiyanqa> >>.

Jeremías 9:10

10 (9) ¡Jirkakunapaq ataypa atarmi waqashaq! ¡Chakracho qewakunapaqpis waqay waqaytami cantashaq! Chipyaq rupasiyaptinmi say uraypa pipis purinqanasu. Törukuna büyashqanpis manami wiyakanqanasu. Pishqukunapis y jirka uywakunapis qeshpirmi aywakuyanqa.

Ezequiel 38:20

Pescädukunapis, pishqukunapis, munti uywakunapis, lätaypa puriqkunapis y runakunapis fiyupa mansarirmi suksukyäyanqa. Jirkakunapis juchunqami, qaqakunapis kuchpakäyanqami y marka murällakunapis juchurmi ushakäyanqa.

Miqueas 1:4

Jaruptinmi ninacho cëra suluqno say puntakuna sulunqa. Pampakunapis aska yaku aywar raqrayäsishqannömi raqrayash quëdanqa.

Habacuc 3:10

Rikayäshushpaykimi jirkakunapis mansariyashpan suksukyäyan. Waqya tamyapis pasaypami tamyamun. Lamarpis bunyaypa bunyarmi qaparan. Yakupis fiyupami pulchaqyan.

Habacuc 3:6

Tayta Dios ichiykuptin pasapis fiyupami suksun. Rikaraptin maysay markakunapis pasaypami mansakäyan. Jirkakuna unaypita pasa karpis juchunmi. Saynölami lömakunapitapis juchu aywan. Tayta Diosmi isanqa mana ushakaq kaykan.

Apocalípsis 6:14

Jana pasapis rölluno luylukarkur luylukarkurmi elaqakäkurqan. Jirkakuna y lamarcho islakunapis juklämanmi witikuyarqan.