Jeremías 32:44 - Tayta Diospa Wilakuynin

⁴⁴ Juklä nacionkunacho täyashqanpita kay nacionman shuntamuptïmi chakrata yapay rantiyanqa y rantikuyanqa. Rantikurmi papilta rurayashpan autoridäwan sëllasiyanqa. Testïgukunawanpis firmasiyanqa. Saynöqa rurayanqa Benjamín particho, Jerusalén nawpankunacho, intëru Judá nación markakunacho, jalqakunacho, Sefelacho kaykaq markakunacho y Neguev markakunachöpis. Noqa Tayta Diosmi sayno nï>>.

Jeremías 32:44 ပူးပေါင်းရင်းမြစ်များ

Isaías 44:26

Sirvimaqnï wilakushqantami isanqa cumplisï. Wilakuqnïkuna niyashqannöla kananpaqmi kamakäsï. Jerusaléncho runakuna yapay täyänanpaqpis noqami nï. Judácho markakuna raqälana kaykäyashqanpita yapay markayänanpaqpis noqami kamakäsï.

Jeremías 13:19

Jusalikuyta mana wanakuyaptikiqa Neguevcho kaykaq markakunatami contrayki soldädukuna tumaparäyanqa. Markapita manami pipis yarqunqasu ni yaykunqasu. Judá runakunataqa lapantami prësu apakuyanqa.

Jeremías 17:26

<<

Jeremías 30:18

Tayta Diosmi nin: <

Jeremías 30:3

Babiloniapita Israel runakunata y Judá runakunata shuntamunäpaq kaq junaqkuna chämunqanami. Shuntamuptï unay ayllunkunata qoykushqä nacionchömi kushish täyanqa. Noqa Tayta Diosmi sayno nï>>.

Jeremías 31:23

Israel runakunata kuyaq y lapanta mandaq Tayta Diosmi nin: <

Jeremías 32:10

Manaraq pägarmi papilta rurarkasir sayman firmar sëllarqä. Saynölami testïgukunatapis firmasirqä. Saypitanami aykatapis päganäpaq parlayashqänöla pägarqä.

Jeremías 32:37

Niyashqaykinölami kanqa. Seqaypa rabyarmi maysay nacionkunaman qarquyäshayki. Sayno kaptinpis qamkunapita miraqkunataqa say nacionkunapita shuntamushaqmi. Kay nacionman shuntarkamurnami paykunata yanapäshaq jawkana kawayänanpaq.

Jeremías 33:11

Sayno kaptinpis kushikuyashqan y asikuyashqanpis kaycho yapaymi wiyakanqa. Majasakay fiesta kaptinmi maqtapis y jipashpis kuyanakuyashpan cantapänakuyanqa. Runakunapis yapaymi niyanqa: << <¡Alilata ruraq kashqanpita lapanta mandaq Tayta Diosta agradëcikushun! ¡Kuyapäkuyninqa manami imaypis ushakansu!><>.

Jeremías 33:13

Jalqakunacho kaykaq markakunachöpis, Sefelacho kaykaq markakunachöpis, Neguevcho kaykaq markakunachöpis, Benjamín partichöpis, Jerusalén nawpankunachöpis y intëru Judá nacionchöpis yapaymi rikayankipaq uyshankunata yupaykäyaqta. Noqa Tayta Diosmi sayno nï>>.

Jeremías 33:26

Jacobpita y sirvimaqnï Davidpita miraqkunata imaypis yanapäshaqmi. Davidwan pactuta rurashqäta cumpliptïmi paypita miraqkuna imaypis rey kanqa. Saymi Abrahampita, Isaacpita y Jacobpita miraq runakunapa mandaqnin rey imaypis kanqa. Paykunata kuyaparmi juklä nacioncho täyashqanpita nacionninman shuntamushaq>>.

Jeremías 33:7

Saymi juklä nacionkunacho täyashqanpita Judá runakunata y Israel runakunata nacionninman shuntamushaq. Unay kawayashqanno saycho yapay jawkana kawayänanpaqmi yanapäshaq.

Abdías 1:19

Saypitanami Neguevcho taq Israel runakuna Edom partita acaparayanqa. Sefelacho taq Israel runakunami filisteo runakuna täyashqan partita acaparayanqa. Wakin Israel runakunanami Efraín partita y Samaria partita shuntayanqa. Benjamín trïbu kaq Israel runakunami Galaad partita shuntayanqa.

Abdías 1:20

Juklä nacionpita saysika Israel runakuna kutimurmi cananeo runakuna unay täyashqan partita shuntayanqa Sarepta markayaq. Jerusalénpita Sefarad markaman prësu apayashqan runakunami kutimur Neguevcho kaykaq markakunata shuntayanqa.

Sofonías 2:7

Kawaykar quëdaq Judá runakunatami isanqa Tayta Dios yanapanqa mana mansariypana kawayänanpaq. Paykunapaqna say chakrakuna kaptinmi uywankunata saycho misikuyanqa. Ascalóncho kaykaq wayikunachömi punuyanqapis.

Zacarías 7:7

Unay aylluykikunapis qamkunano kayashqantami profëtäkunawan wilakasirqä. Say wisanmi Jerusalénta manaraq ushakäsiptin ali kawayarqan. Nawpancho kaq markakunachöpis runakuna juntami täyarqan. Saynölami Neguevcho y Sefelacho taq runakunapis askaq taykäyarqan> >>.